POP 5

Lajmet më të lexuara të 5 minutave të fundit

Kronikë

Tiranë/ Do kalonin 7 klandestinë drejt vendeve të BE për 600€, 4 të arrestuar në Tiranë, në kërkim organizatori

Policia e Tiranës njofton se ka vënë në pranga katër persona, pasi akuzohen se kanë tentuar të ndihmojnë disa shtetas të huaj, kundrejt fitimit, për të kaluar në mënyrë të paligjshme kufirin. Pesë trafikantët u kishin marrë 7 klandestinëve nga 600€ për t’i kaluar në Bashkimin Evropian. 

4 persona kanë rënë në pranga nga policia e Tiranës pasi akuzohen se kanë tentuar të ndihmojnë disa shtetas të huaj, kundrejt fitimit, për të kaluar në mënyrë të paligjshme kufirin. Në kuadër të operacioni 'Pararoja 3' ranë në pranga Rafael Demaj, Enriko Gjonaj, Arnold Kërçi dhe Mehmet Bregu.

Gjithashtu është shpallur në kërkim organizatori. Sipas bluve pesë trafikantët u kishin marrë 7 klandestinëve nga 600€ për t’i kaluar në Bashkimin Evropian. 

"Specialistët e Seksionit për Trafiqet e Paligjshme, shërbimet e Forcës së Posaçme Operacionale, dhe shërbimet e Sektorit të Forcës së Posaçme "Shqiponja", në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas një pune të mirëfilltë hetimore të ndjekur me metoda speciale të hetimit, bazuar dhe në informacionet e siguruara nga inteligjenca policore, organizuan dhe finalizuan operacionin “Pararoja 3”. Si rezultat i këtij operacioni u bë arrestimi në flagrancë i shtetasve R. D., 27 vjeç, E. Gj., 24 vjeç, A. K., 27 vjeç, dhe M. B., 46 vjeç, të katërt banues në Tiranë. Gjithashtu, u shpall në kërkim organizatori i kësaj veprimtarie kriminale, shtetasi D. Q., 38 vjeç", njofton policia.

Të arrestuarit janë kapur në flagrancë nga shërbimet e Policisë, në Vorë, duke transportuar me 2 automjete, 7 emigrantë, të cilëve, kundrejt pagesës 600 euro për person, iu kishin premtuar transportimin nga Konispoli në drejtim të Shkodrës dhe Kukësit, me qëllim kalimin e tyre në pikën kufitare me Malin e Zi dhe Kosovën, me destinacion final vendet e BE-së.    

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01