Një aksident me pasojë plagosjen e dy vajzave, adoloshente, ndodhi paraditen e kësaj të hëne në rrugën “Xhorxh Bush” në Tiranë, para selisë së Kuvendit të Shqipërisë. Nga të dhënat e para mësohet se dy vajzat po kalonin në mes të rrugës, kur një autoveturë ka dalë nga një rrugë dytësore në drejtim të rrugës kryesore.

 Automjeti me targa TR 4337 M ka përplasur vajzat me pjesën ballore të makinës duke i shtyrë dhe vajzat janë përplasur me autobusin me targa TR7125 U të linjës ish Uzina e autotraktorit- Qevendër.

Dy vajzat u përcollën me urgjencë në Spitalin Ushtarak në Tiranë. Njëra prej tyre ka pësuar fraktura, dhe janë jashtë rrezikut për jetën. Nisin hetimet për të zbardhur autorët dhe shkaqet e aksidentit. (ne foto vendi ku ndodhi aksidenti)
(sg/shqiptarja.com)