Tiranë/ Gjobëvënie për pazare droge në Itali, arrestohen dy të 'fortët' teksa ishin bërë gati të merrnin lekët

TIRANË- Dy persona janë vënë në prangat e policisë pasi akuzohen për gjobëvënie dhe vepra të ndryshme penale. Nikolin Fili alias Aldo Tafa, 37 vjeç, lindur në Kuçovë dhe banues në Durrës, akuzohen për veprat penale “Shtrëngimi me anë të kanosjes ose dhunës për dhënien e pasurisë, në bashkëpunim”, “Përndjekja”, “Kanosja”, “Vetëgjyqësia” dhe “Mbajtja pa të drejtë e uniformës” si dhe Eugen Liçi alias Gentian Goxhaj (Vasili), 43 vjeç, lindur në Tepelenë dhe banues ne Tiranë, për veprat penale “Shtrëngimi me anë të kanosjes ose dhunës për dhënien e pasurisë, në bashkëpunim”, “Përndjekja”, “Kanosja”, “Vetëgjyqësia”, “Largimi i të burgosurit nga vendi i qëndrimit” dhe “Falsifikimi i dokumenteve”.

Burime për Report Tv bëjnë me dije se gjobëvënia është bërë për pazare droge që kishin të hapura në Itali. Këta persona në bashkëpunim me njëri tjetrin i vendosën gjobë  21 mijë euro një personi por kur ne vendin ku lanë takimin për të marrë paratë janë arrestuar nga policia.  Ata janë arrestuar në afërsi të Fushës së Aviacionit, ndërsa u është bllokuar edhe makina me të cilën lëvizte e cila ishte pajisur me fenelina e sirenë policie.

Ndërkohë gjatë kontrollit të ushtruar në banesën e  E. L. alias G. G., Policia gjeti dhe sekuestroi në cilësinë e provës materiale një patentë të falsifikuar, dy karta italiane të falsifikuara, të cilat i përdorte ky person për t’iu shmangur identifikimit nga Policia, si dhe një sasi parash.

  • Sondazhi i ditës:

    A janë të domosdoshme listat e hapura?

Komento


×

Lajmi i fundit

John

Rama: Provokim! Vuçiç, ta harrojë se negocion me Perëndimin pa shqiptarët, të shkojë dhe në Hënë, por do të ulet me ne