Një i dënuar për vrasje kërcënon nga burgu një vajzë të mitur banuese në Tiranë. Ngacmimet dhe kërcënimet kanë ndodhur nëpërmjet “Facebook” që përdoret edhe nga telefonat celularë.

Ngjarja është denoncuar në komisariatin nr.1 nga 16-¬vjeçarja me iniciale K.D., e cila pretendon se një i burgosur, me të cilin kishte komunikuar në facebook e kishte kërcënuar se do t’a vriste.

Sipas policisë bëhet fjalë për shtetasin Besmir Uka, 27 vjeç nga Laçi, i dënuar për vrasjen e 31-vjeçarit Edmond Mullai pas një sherri në një kazino në Sarandë. Lidhur me këtë çështje materialet hetimore i kanë kaluar për hetime të mëtejshme prokurorisë së rrethit gjyqësor Tiranë.

Redaksia “Shqiptarja.com”