TIRANE - Një aksident ka ndodhur sot në mbrëmje përballë Pallatit të Sportit "Asllan Rusi" në kryeqytet, ku një automjet ka përplasur një këmbësor që mbante një qen përdore. I plagosuri, rreth 45 vjeç, ndodhet në gjendje të rëndë për jetën për shkak të plagëve në kokë. Ai është dërguar me shpejtësi në Spitalin Ushtarak. Nuk dihet ende identiteti i tij.

Dëshmitarët thanë se kjo ndodhi për shkak të mungesës së dritave në rrugë, duke filluar nga "Zogu i Zi" përgjatë rrugës "Dritan Hoxha" deri në Laprakë.

Në këtë segment ndodhin herë pas here aksidente, pak ditë më parë aty gjeti vdekjen edhe një grua e moshuar e shtypur nga një autobus me targa greke që kishte shkelur rregullat e qarkullimit.

Aksidenti tek Asllan Rusi
(Në foto, policia në vendngjarje)

Aksidenti tek Asllan Rusi
(Në foto, vendi ku është përplasur këmbësori)

Aksidenti tek Asllan Rusi
(Në foto, policia në vendngjarje)

Redaksia online
(ar.sh / a.ç /shqiptarja.com)