TIRANË – Një kalimtar 52-vjeçar ka vdekur pasi është shtypur sot nga një automjet  tip "Volkswagen" ngjyrë të kuqe me targë AA 072 ET.
 
Ngjarja ka ndodhur sot paradite rreth orës 10:30 në lagjen ‘Ali Demi”, teksa kalimtari Eduart Mesaj, 52 vjeç ishte duke kaluar nga një anë e trotuarit në tjetrën.

Pikërisht kur ai sapo kishte hedhur hapin e parë fare pranë trotuarit në këtë çast është përballuar me një makinë, e cila ecte tej normave të lejuara të shpejtësisë, duke pëplasur për vdekje 52-vjeçarin fatkeq.  
 
Policia ka mbërritur në vendngjarje, ku kanë mbetur edhe njollat e mëdha të gjakut të viktimës, dhe ka arrestuar shoferin e automjetit, Edison Hidri.

aksidenti
(Foto nga vendi i ngjarjes)
 
Redaksia Online
(mag/a.ç/shqiptarja.com)