Tiranë, nisin parkimet me lekë 
Ja sa paguhet sipas zonave /Foto

TIRANE - Rruga ‘Gjin Bue Shpata”, pranë stadiumit “Dinamo”, dhe Bulevardi Deshmoret e Kombit jane dy rrugët e para që do aplikohet parkimi publik me pagesë nga Bashkia e Tiranës. Çdo qytetar që nuk është banorë i zonës, duhet të paguajë 100 lekë të reja, për çdo orë qëndrimi.

Kjo do të thotë se nëse një qytetar i Tiranës nuk është rezidentë dhe parkon makinën për 8 orë, atëherë ai do të paguajë 800 lekë të reja në rrugën Gjin Bue Shpata.
 
Bashkia e Tiranës e ka ndarë kryeqytetin në 3 zona parkimi, A, B dhe C. Zona A përfshin qendrën e Tiranës, ku ndodhet pjesa më e madhe e institucioneve, dhe ata qytetarë të cilët jetojnë në një zonë tjetër, për të parkuar duhet të paguajnë 100 lekë për çdo orë qëndrimi.


(Ndarja e Tiranes ne tre zona parkimi)
 
Bashkia është në proces për nxjerrjen e kartës për banorët rezidentë, të cilët nuk do të paguajnë për të parkuar makinën, në gjithë lagjen dhe zonën e tyre. Parkimi do të jetë me pagesë nga ora 8:00 deri në orën 20:00 të mbrëmjes.

Aktualisht bashkia ka ngritur një kabinë pranë stadiumit “Dinamo”, ku një punonjës jep biletat për çdo makinë që parkohet. Nëse tejkalohet orari për të cilin është paguar, apo nuk është vendosur bileta në xhamin e parë të makinës, atëherë vendoset gjobë 3 mijë lekë. Policia Bashkiake e cila do të monitorojë makinat e parkuara, ka të drejtë t’i vendosë bllokues të goma, çdo makine që nuk paguan.

Në Tiranë do të jenë 71 rrugë me pagesë, ndërsa rrugët e lagjeve do të jenë për të parkuar makinën vetëm banorët rezidentë. Tarifa për zonën B do të jetë 40 lekë ora, ndërsa për zonën C 20 lek ora. Redaksia Online
(u.s/shqiptarja.com)