TIRANË – Një shkëmbim zjarri ndërmjet dy makinave në lëvizje është dëgjuar këtë mbrëmje pranë shkollës “Abdulla Keta”, por nuk ka njoftime për të lënduar.
 
Sipas gazetarit Arsen Rusta nga vendngjarja, nga njera prej makinave e tipit “Golf”, pasagjeri ka qëlluar me armë automatik mbi një makinë tjetër të paidentifikuar tetë herë, por pa viktima.  
 
Policia ka mbërritur menjëhërë dhe ka gjetur disa gëzhoja dhe ka arritur të identifikojë njerin prej mjeteve, atë “Golf” që është larguar me shpejtësi në drejtim të Saukut. Një patrullë është vënë në ndjekje të saj.
 
Redaksia online
(ar.sh/shqiptarja.com)