Tiranë/ Porosiste online telefona, kur vinin pakot pranë banesës kërcënonte me thikë dorëzuesin dhe nuk paguante paratë! Arrestohet 32-vjeçari, kishte masë 'arrest shtëpie'

TIRANË - Një 32-vjeçar është vënë në prangat e policisë në kryeqytet. Shtetasi E.B., banues në Tiranë bënte porosi online nga telefoni dhe kur ato vinin pranë banesës së tij, ai merrte porosinë në kërcënimin e thikës ndaj dërguesit dhe nuk paguante paratë.

Kjo rezulton të jetë kryer në raste gjatë këtij muaji në datat 15, 21 dhe 27 dhjetor. Porositë për celular vinin me pako nga korrierët në banesën e tij dhe ai dilte nga shtëpia, teksa ishte në masën ‘arrest në shtëpi’ për të njëjtën vepër.

Policia sekuestroi gjatë finalizimit të operacionit 'Porositësi', një celular të vjedhur më datë 27 dhjetor dhe një shumë parash. Ndërkohë vijon dokumentimi për vepra të tjera që mund të ketë kryer ky shtetas.

LEXO EDHE:
Gripi i shpendëve, vatër në Zall-Herr të Tiranës, Autoriteti Kombëtar i Veterinarisë: Morëm masat, u karantinua zona

'Si rezultat i të cilit u bë arrestimi i shtetasit E. B., 32 vjeç, banues në Tiranë, për veprat penale “Vjedhje me dhunë” dhe “Largimi i të burgosurit nga vendi i qëndrimit”. Ky shtetas porosiste produktet(aparate celular) në adresën e banesës së tij dhe kur korrierët mbërrinin për të dorëzuar pakon, i kërcënonte me thikë, duke u marrë celularin pa paguar. Nga veprimet hetimore ka rezultuar se ky shtetas në datat 15,21, dhe 27.12.2024, ka kryer të njëjtën veprimtari të paligjshme. Në cilësinë e provës materiale u sekuestrua një aparat celular, i vjedhur me datë 27.12.2024 dhe një shumë parash.', njofton policia.

TAG:
• vjedhje me dhune
• Tirane

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.7%

Vota total: 1633

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq