POP 5

Lajmet më të lexuara të 5 minutave të fundit

Kronikë

Tiranë, sekuestrohen 1 mln euro
prona të blera me fitime nga droga 

Në kuadër të operacionit të koduar “Tirona” u sekuestruan sot 1 milion euro asete, ku përfshihen një hotel 3-katësh, një dyqan dhe një ambient i përdorur si zyrë në pronësi të shtetasit Migert Tafa.
TIRANE - Në kuadër të operacionit të koduar “Tirona” u sekuestruan ditën e sotme 1 milionë euro asete, ku përfshihen një hotel 3-katësh, një dyqan dhe një ambient i përdorur si zyrë në pronësi të shtetasit Migert Shkëmbi Tafa.

Sipas të dhënave të polisicë nga hetimi ka rezultuar se këto pasuri janë blerë me të ardhura me origjinë kriminale të trafikut të narkotikëve, ku i përfshirë ishte shtetasi Tafa. Për këtë aktivitet kriminal ky shtetas është dënuar nga Gjykata e Krimeve të Rënda me 4 vjet e 8 muaj burg.

Në një deklaratë për media, zëdhënësi i Policisë së Shtetit Tefik Sulejmani ka zbardhur operacionin, duke dhënë detaje për hetimet e kryera në ngarkim të Tafës.

DEKLARATA E PLOTE E POLICISE
“Nga Drejtoria Kundër Krimit Financiar në Policinë e Shtetit, në bashkëpunim me Drejtorinë e Policisë së Qarkut Tiranë dhe Njësinë e Përbashkët Hetimore pranë Prokurorisë së Rrethit Gjyqësorë Tiranë, ditën e sotme, në kuadër të operacionit të koduar “Tirona”, u ekzekutua vendimi i Gjykatës për vendosjen e sekuestros preventive të pasurive të paluajtshme me vlerë rreth 1.000.000 euro të shtetasit Migert Shkëmbi Tafa.

Në kuadër të këtij operacioni, është bërë sekuestrimi i:
- një hoteli 3 katësh me emrin “Hotel Tirona”
- një dyqani
- si dhe një ambienti i përdorur si zyrë

Sekuestrimi i këtyre aseteve u bë i mundur në sajë të një hetimi intensiv 4 mujor, si dhe një analize të hollësishme financiare të strukturave të luftës kundër krimit financiar në Policinë e Shtetit në bashkëpunim me Njësinë e Përbashkët Hetimore Task-Forcë.

Ky hetim u krye në kuadër të një procedimi penal regjistruar në ngarkim të shtetasit Migert Tafa për veprën penale “të pastrimit të produkteve të veprës penale”, parashikuar nga neni 287 i Kodit Penal.

Gjatë ecurisë së këtij hetimi ka rezultuar se këto pasuri janë blerë me të ardhura me origjine kriminale të trafikut të narkotikëve, ku i përfshirë ishte shtetasi Migert Tafa. Për këtë aktivitet kriminal ky shtetas është dënuar nga Gjykata e Krimeve të Rënda me 4 vjet e 8 muaj burg.

Bazuar në materialet e grumbulluara në kuadër të këtij procedimi penal nga strukturat e Policisë së Shtetit dhe të Prokurorisë, Gjykata e Rrethit Gjyqësor Tiranë ka vendosur masën e sekuestros për pronat e paluajtshme të këtij shtetasi.

Ndërkaq vazhdon puna dhe po kryhen hetime intensive për identifikimin e pasurive të tjera të këtij shtetasi, me qëllim vendosjen e sekuestros në kuadër të këtij procedimi penal.

Ky operacion është në vazhdën e një sërë operacionesh të suksesshme të strukturave të luftës kundër krimit financiar në Policinë e Shtetit, në kuadër të një sërë hetimesh të rëndësishme, me qëllim sekuestrimin e pasurive që rrjedhin nga veprimtari kriminale”, thuhet në deklaratën e policisë.

Redaksia online
(eç/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Komandohet drejtuesja, për herë të parë PD e Shkodrës do drejtohet nga një grua

Komandohet drejtuesja, për herë të parë PD e Shkodrës do drejtohet nga një grua

15 Janar, 19:55