TIRANE- Në zonën e Liqenit të Thatë është plagosur mbrëmjen e sotme Alfred Biba, 35-vjeç, i cili ndodhet në spitalin ushtarak.

Policia në vendngjarje ka mbledhur provat dhe ka nisur hetimet.

Sipas të dhënave të para ngjarja ka ndodhur rreth orës 17:00 pas një sherri mes disa personave të cilët ndodheshin në një lokal.

Sherri më pas ka degraduar edhe në përdorimin e armës së zjarrit, ku për pasojë ka mbetur i plagosur 35-vjeçari Biba.

Janë shoqëruar në polici disa persona për të marrë dëshmitë e tyre, në mënyrë që të zbardhet më tej ngjarja.
(eç/shqiptarja.com)