POP 5

Lajmet më të lexuara të 5 minutave të fundit

Kronikë

Tiranë/ Bombola e gazit e harruar hapur rrjedh gjatë natës, shpërthen sapo hapet dera...plagoset pronarja dhe dy punëtoret (VIDEO)

Si pasojë e shpërthimit të krijuar nga trysni e gazit është plagosur pronarja dhe dy punëtoret e një byrektoreje, ndërsa shpërthimi ka krijuar edhe shumë dëme materiale duke e shkatërruar plotësisht biznesin në fjalë. Fatmirësisht të plagosurat janë jashtë rrezikut për jetën, ndërkohë që mësohet se ajo ka qenë duke bërë përgatitjet për të filluar punën.

TIRANË- Një gabim njerëzor për pak sa nuk është shndërruar në një tragjedi ditën e sotme. Gjatë mëngjesit të sotëm rreth orës 07:25 teksa pronarja dhe dy punonjëset po hynin në byrektoren ku punonin, sapo kanë hapur derën ka ndodhur një shpërthim i fuqishëm nga trysnia e gazit.

Burime për Report Tv bëjnë me dije se bombola e gazit në këtë byrektore ishte harruar hapur që ditën e djeshme ndërsa gjatë natës, gazi ka rrjedhur duke u përhapur në të gjithë ambientin. Sapo dera është hapur nga pronarja, gazi nga trysnia e lartë ka shpërthyer, duke lënë të plagosur vetë pronaren Klodiana Simeci si dhe dy punëtoret e saj Artiana Mesi dhe M.P.  

Shpërthimi ka krijuar dëme të shumta materiale ndërsa zhurma ka krijuar tronditje dhe panik tek banorët. Fatmirësisht pronarja dhe dy punëtoret e plagosura janë jashtë rrezikut për jetën. Ndërkohë policia ka shkuar në vendin e ngjarjes dhe po heton për zbardhjen e plotë të kësaj ngjarje.


Rendit zhvillimet sipas orarit:
Ora 11:05
Detajet nga shpërthimi në Yzberisht, pronarja djegie në masën 20-25% të trupit

1579082618_shperthimi.jpg
Detaje të reja kanë dalë në dritë nga shpërthimi në byrektoren sot në Yzberisht. Punëtorja e byrektores, Ardiana Mesi ndodhet tek Trauma ndërsa pronarja Klodiana Simeci tek Pavioni i Djegies ne QSUT. Bëhet e ditur se Ardiana Mesi është jashtë rrezikut për jetën, megjithatë po vijon konsultat pasi ka lëndime ne pjesën e syrit.

Ndërkohë për Klodiana Simecin po kryhen te gjitha ekzaminimet e nevojshme. Ajo ka pësuar djegie në masën 20-25% të trupit dhe po mbahet nën kujdesin intensiv të mjekëve.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 15/01/2020 13:37

    Pushtet amatoresk i pa përgjegjshëm...!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46