Tiranë/ Hapin derën e shtëpisë por u plas tritoli, plagosen burrë e grua (Ja pista e policisë)

Një shpërthim i fuqishëm me mbi 150 gramë tritol ka ndodhur në orën 06:22 të mëngjesit në Tiranë pranë një shtëpie private.

Ngjarja ka ndodhur në zonën Mëzezit në kryeqytet dhe për pasojë kanë mbetur të plagosur burrë e grua.

Shpërthimi është dëgjuar nga dhjetëra banorë të zonës, të cilët kanë lajmëruar policinë.


Policia në vendin e ngjarjes

LEXO EDHE:
I vunë tritol banesës, merret në mbrojtje për 6 muaj gjyqtari i Shkodrës, Tonin Sterkaj e familja e tij! Video kur u vendos eksplozivi e shpërthimi

Burime mjekësore kanë bërë të ditur për Report TV se të lënduarit ndodhen në spital me disa dëmtime, por jashtë rrezikut për jetën.

Kryefamiljarët e plagosur janë Lulezim Selfo 48 vjeç dhe Lirie Selfo 40 vjeçe, të cilët po marrin mjekim në spital.

Policia dyshon se bëhet fjalë për një konflikt pronësie, por po heton edhe për pista të tjera.

Shpërthimi ka ndodhur në momentin që çifti ka qenë në oborr dhe ka hapur derën e shtëpisë, ku mendohet se ishte vendosur tritoli.



Porta ku shpërtheu tritoli

Informacioni paraprak i policisë

Më datë 15.05.2018, rreth orës 06:22 në zonën e Mëzezit, dy shtetasit L. S., dhe L. S., (bashkëshortë) kanë qënë duke dalë për në oborrin e shtëpisë dhe në momentin që kanë hapur derën e shtëpisë ka ndodhur një shpërthim ku si pasojë e shpërthimit kanë mbetur të dëmtuar të dy bashkëshortët.

Shtetasit e dëmtuar janë transportuar në spital për ndihmë mjekësore, por ndodhen jashtë rrezikut për jetën.

Shërbimet e policisë ndodhen në vendngjarje dhe po punohet për zbardhjen e rrethanave dhe shkakut të ngjarjes.

TAG:
• tritol
• mezez

Sondazhi i ditës:

Si e vlerësoni takimin e Ramës me shqiptarët në Athinë?

• Të nevojshëm

  68.4%

• Të panevojshëm

  25.2%

• Nuk e di

  6.4%

Vota total: 5688

• Sondazhi i ditës:

  Si e vlerësoni takimin e Ramës me shqiptarët në Athinë?

  Të nevojshëm Të panevojshëm Nuk e di