TIRANË - Pesë anëtarë të një familjeje në kryeqytet, që sapo kishin ardhur në një pallat në zonën e Astirit ranë nga kati i pestë në katin zero në ashensor. Dy prej tyre u dëmtuan dhe u transportuan në spital dhe janë jashtë rrezikuar për jetën.
Report Tv ishte në pallatin ku u shkëput ashensori që mund të ishte kthyer në një tragjedi për anëtarët e një familjeje në Tiranë. Inspektoriati Shtetëror i Mbikëqyrjes së Tregut e ka bllokuar që prej orëve të mbrëmjes së të hënës, kur ngjarja ndodhi.
Sinan Kazani, 56 vjeç, dhe Selvie Kazani, 55 vjeç, burrë e grua, u dëmtuan lehtë si pasojë e shkëputjes së ashensorit. Zyrtarisht, policia njofton se shkak u bë tejkalimi i kapacitetit, i përcaktuar 2 deri në 3 persona. Në momentin e incidentit jo vetëm që ishin 5 anëtarë të familjes Kazani, por edhe çanta dhe sende të tjera, të cilat ndikuan për të përkeqësuar situatën. Administratori i pallatit, i kontaktuar nga Report Tv thotë se ashensori ishte i kolauduar, por jo i regjistruar pranë organeve. Sipas tij, në mënyrë periodike i është bërë të paktën një herë në muaj kontrolli teknik.
Banorët janë të frikësuar por tregojnë se shkak kryesor është papërgjeshmëria e shumë prej tyre teksa tejkalojnë kapacitetin e ashensorit.
"A ka pasur probleme më parë? Jo asnjëherë. Edhe te ky pallati tjetër dje ndodhi ky problem, se u futën shumë njerëz, nga ajo ndodhi gjithë problemi, se ashensori punonte në rregull. Po ne s’kemi edukatën, kur thotë duhet të futen katër persona, ti pse shkon futesh më shumë, 6-6 persona, bashkë me çanta. Ca faji ka pastaj tekniku dhe administrator. Kontrollohen çdo muaj. Teknikët vijnë muaj për muaj. Nga këto gjëra janë në rregull. U futën me çanta, mbi peshën e caktuar. Nga kjo erdhi ky problem", u shpreh një banore.
Administratori i një pallati në zonën e Astirit, për Report Tv ngriti problemin e kolaudimit të ashensorëve. Ferik Mbrati listoi shkaqet që mund të çojnë në shkëputjen e ashensorit.
"Mund të jetë të ftohtët, frenat nuk funksionuan, mund të jetë luhatja e tensionit. Kur tensioni nuk është normal bobina e drenave nuk është normal, ashensori bën lëvizje të pakontrolluar. Mbi kapacitetin nuk funksionon. Edhe ndodhin këto pastaj, bën lëvizje të pakontrolluara ashensori. Kur thotë katër persona, hyp katër, jo gjashtë. Plus mban nja dy valixhe edhe ndodhin këto", tha ai.
Për ngjarjen ka reaguar edhe Inspektoriati i Mbikëqyrjes së Tregut ku me anë të një deklarate bën me dije se ashensori ka pësuar defekt për shkak të mbingarkesës dhe se pavarësisht se funksiononte prej vitit 2012, ndërtuesi nuk e kishte regjistruar në institucionin përkatës. Për pasojë, ISHMT ka nxjerrë jashtë përdorimit këtë ashensor deri në mënjanimin e defekteve teknike të konstatuara.
Policia e Tiranës do të vijojë hetimet për këtë rastit, që është i përsëritur në kryeqytet.
Inspektoriati Shtetëror i Mbikëqyrjes së Tregut ka reaguar për rrëzimin e ashensorit mbrëmjen e djeshme në zonën e unazës së Re në Tiranë. Në reagimin e bërë thuhet se ashensori ka pësuar defekt si pasojë e mbingarkesës duke pasur një numër më të madh personash nga sa lejohej. Por mes të tjerash, ISHMT bën me dije se ky ashensor rezulton i paregjistruar në institucionin përkatës.
Reagimi i Plotë:
Në lidhje me incidentin e ndodhur mbrëmjen e datës 06.02/2023 në ashensorin në adresë: Rruga “Teodor Keko”, Njësia 14, pallati 18/67, nga ana e Inspektoriatit Shtetëror të Mbikqyrjes së Tregut është bërë inspektimi i menjëhershëm duke kryer verifikimet paraprake, prej të cilave rezultoi se,
a) Ashensori ka pësuar difekt gjatë funksionimit të tij në kushtet e mbingarkesës me një numër më të madh personash, përtej ngarkesës nominale. Ky incident nuk shkaktoi pasoja të rënda në shëndetin e personave.
b) Ky ashensor nuk rezulton i regjistruar pranë Inspektoriatit Shtetëror të Mbikqyrjes së Tregut.
Referuar legjislacionit të kësaj fushe, personi përgjegjës mbi funksionimin e ashensorit (ndërtuesi ose administratori i pallatit) ka detyrimin ligjor për të bërë regjistrimin e tij. Por në rastin konkret nuk ka një aplikim pranë ISHMT-së për regjistrim, ndërkohë që ashensori ka qënë në funksionim që nga viti 2012.
Nga ana e e personave përgjegjës (ndërtuesi ose administratori i pallatit) për këtë ashensor nuk ishte kryer ndonjëherë vlerësimi i konformitetit (çertifikimi) nga një Organ i Miratuar për Vlerësimin e Konformitetit(OMVK) .
Parashtrojmë se në kushtet kur një ashensori nuk i bëhet vlerësimi i konformitetit me rregullat teknike nga një organizëm OMVK, dhe kur nuk bëhet regjistrimi i tij pranë ISHMT-së duke mos ju nënshtruar në vijim inspektimeve periodike, ashensori realisht konsiderohet i pasigurt dhe nuk lejohet të vihet në përdorim.
c) Në momentin e inspektimit të menjëhershëm nga ISHMT, ashensori i lartpërmendur ishte rivendosur në punë nga personat përgjegjës.
d) Në këto kushte nga ana e inspektorëve u morën masat urgjente e heqjes nga funksionimi i ashensorit deri në mënjanimin e gjithë të metave teknike të konstatuara, duke përfshirë për këtë edhe një Organ të Miratuar për Vlerësimin e Konformitetit .
Ashtu siç Report Tv e raportoi pak më parë, policia ka konfirmuar se shkak për shkëputjen e ashensorit në një pallat në Tiranë një ditë më parë është bërë tejkalimi i kapacitetit. Kjo për shkak se në ashensor ishin futur 5 persona nga 2-3 që ishte kapaciteti i lejuar.
“Në lidhje me informacionin paraprak të dhënë mbrëmjen e djeshme, për ngjarjen e ndodhur në rrugën "Aleksandri i Madh", ku ashensori i një pallati ra nga kati i pestë në katin zero, ju informojmë se nga veprimet e para hetimore dyshohet se shkaku i rënies së ashensorit ka qenë tejkalimi i kapacitetit, pasi në ashensor kishin hipur 5 persona, ndërkohë që kapaciteti i lejuar ishte 2-3 persona. 2 personat e dëmtuar, pasi kanë marrë mjekimin në spital, janë larguar në banesë, ndërsa 3 të tjerët nuk kanë pësuar dëmtime. Materialet për këtë rast u referuan në Prokurorinë pranë Gjykatës së Rrethit Gjyqësor Tiranë, për vlerësim”, njofton policia.
Administratori i një pallati në zonën e Unazës së re ka folur për Report Tv pas incidentit ku çifti i bashkëshortëve mbetën të plagosur pasi ashensori ra nga kati i 5 në 0. Ferik Mbrati tha për gazetarin Sokol Dema, tha se këto probleme janë të mbartuara pasi në shumë raste kolaudimi bëhet në mënyrë të paligjshme. Aministratori Ferik Mbrati dha edhe disa shkaqe që mund të çojnë në shkëputjen e ashensorit.
“Problemet me ashensorët nuk janë të sotmet. Janë të mbartuara. Që nga kolaudimi në fillim, pasi dorëzohet pallati, dorëzohet me të gjitha, ashensorët, me standardet, me sensorët. Pallatet nuk janë dorëzuar, nuk janë kolauduar.
Edhe nëse janë kolauduar janë kolauduar në mënyrë të paligjshme. Se duhej ta kolaudonte kompania që e vendos. Duhej ta merrte bashkia. A kanë dokumentacion këtë ashensorë, asnjë nuk ka. Kompania ka bërë një mikser, kafazin mund ta prodhojë këtu, motorin nga Turqia, bëjnë një mikser, e montojnë, një procesverbal që u vë ashensori. A është kolaudim kjo? Jo. Kolaudimin e bën ndërtuesi, kompania e dorëzon me të gjitha të dhënat, nuk ka një katalog për ashensorin. Kontrollet periodike janë. Në këto raste ka sakaq, mund të jetë të ftohtët, frenat nuk funksionuan, mund të jetë luhatja e tensionit. Kur tensioni nuk është normal bobina e drenave nuk është normal, ashensori bën lëvizje të pakontrolluar. Mbi kapacitetin nuk funksionon. Edhe ndodhin këto pastaj, bën lëvizje të pakontrolluara ashensori. Kur thotë katër persona, hyp katër, jo 6. Plus mban nja dy valixhe edhe ndodhin këto”, tha Ferik Mbrati për Report Tv.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Kush e ka kontrolluar ashencorin dhe a ka nje raport per kontrollin, a ka kompani te pavarura dhe te autorizuara nga shteti qe e kane kuntrolluar dhe dhene lejen e perdorimit.Normalisht ne nje ashensor te instaluar mire mbingarkesa et bllokon, ashensori nuk leviz kur eshte i mbingarkuar. Renia e kabines vendos ne fuksionim sistemin parachute qe e blokon maximumi 2 metra me posht. a ka funksionuar sistemi i bllokimit?
PërgjigjuKetu ku jetoj une,ashensoret jane te pajisur me info.si p.sh sa eshte pesha e tyre dhe sa eshte limiti i peshes qe mbajne si dhe kane butonin e emergjences.Pra thone vetem peshen,por jo sa persona duhet te hyjne.Nese hyn vetem nje superobez qe peshon 500 kg dhe pa canta i bie sipas arsyetimit te ketyre shqipove qe te pesoje avari.Do te ishte qesharake kur pasi t'a /peshosh/ tjetrin me sy perpara deres se ashensorit t'a pyesesh direkt kur nuk je i sigurte://Me falni,por sa peshoni se nuk di nese do te na mbaje te gjitheve?//
PërgjigjuISHMT, Inspektoriati Shtetëror i Mbikëqyrjes së Tregut dhe bashkia duhet te kete te kryej detyrat qe percakton ligji, dhe jo te kontrollojne vetem aktivitetin e fshatarve te MEZEZIT e MULLETIT qe shesin presh e lakra ne menyre te paligjeshme dhe te ndezin sirenat e veturave te tyre per te reklamuar punen e tyre, se demi i preshit nuk njesoj me vdekjen ne ashensor. Europa na ndimoj per ligjet e aprovuara, por organet shtetrore dhe vendore vazhdojne te rendin mbas korupsionit, dhe krimit duke mbushur tubat e aspirimi me leket e firmave te mirmbajtjes se ashensorve. te cilat shantazhojne banoret duke kerkuar 20000 lek per nje ore mirmbajtje, pra 160000 lek ne 8 ore me kontrate ose me nje cmim me te vogel pa TVSH pa kontrate. Kontrolloni keto cmime, se kjo eshte e vetmja menyre qe te regjistrohen ashensoret se populli do qe te jetoj duke pasur per te ngrene ose pranon te mbytet ne France dhe Angli.
PërgjigjuKeto jane perralla lum miku. Nga pesha ashensori bllokohet, nuk bie se nuk ishin dy ton ata qe te kepusnin kavot. Bashkia te marre pergjegjesine dhe te kontrolloje te tjeret qe te mos ndodhin me ngjarje te tilla.
Përgjigjuashensoret kane peshore, nese ka rene nga pesha do te thote qe peshorja nuk ka funksionuar ose nuk eshte fare e instaluar.
PërgjigjuNuk ka rene nga pesha,por vetem se tekniket e e ashensoreve,bashke me administratoret e pallateve vjedhin leket e familjareve e nuk i bejne asnje shërbim ashensoreve.Ka plas hajduteria gjithkund ne shqiperi,te gjithe me vjedh popullin
PërgjigjuJam ok me ty.thjesht administratoret i fusin leket ne xhep pa paguar sherbimet jetesore.
ky specialisti qe flet per fajtor mbipesha ne ashensor,do tja lere kopilin banoreve qe nga 4 hipen 5,,kjo eshte mashtrim.Ky personi eshte maskara.
PërgjigjuMashtrim klasik. Tre persona obeze nga 100 kg secili bejne 300 kg gjithsej. Nuk ka ashensor me te tilla kufizime. Institucionet e bashkise se Tiranes nuk kane akte per kolaudimin e nderteses sips ligjit, por marrin para vetem per te vendosur firmen.
PërgjigjuMashtrus....ky eshte justifikim.Ashensori kur ka mbipesh nuk niset.
PërgjigjuHahahaha Hahahaha, ra nga pesha sepse ështé për kater pers dhe u bën pes…ironi, mashtrim , vjedhje e ç’ka jo tjeter. KËTO marrzira nuk i degjon as kund në botë
Përgjigju