Sot çdo shitje prone tatohet me 15%, për diferencën midis çmimit të parë dhe vlerës me të cilën shitet. Pra nëse një pronë e blerë apo e regjistruar me çmim 120 mijë euro, shitet 150 mijë euro për diferencën prej 30 mijë euro paguhet tatim 15% ose 4.500 euro.
Ky nivel tatimi thotë kreu i Shoqatës Kombëtare të Pasurive të Paluajtshme Reinaldo Pipiria përveçse është barrë e rëndë për ata që kanë një pronë dhe duan ta shesin, nga ana tjetër ka nxitur informalitetin.
“Me një çmim reference dhe një barrë 15%, patjetër që shndërrohet në një incentivë për informalitet. Në momentin kur ka informalitet, dëmtohet shtresa e mesme, e cila shkon drejt kredisë për tu strehuar. Nëse shikojmë të gjitha statistikat vëmë re që nga viti 2022-2023 ka rënie me 23% të arkëtimit të tatimit nga transaksionet e pasurive të paluajtshme, ndërkohë që shohim që volumet e tregut janë rritur nga viti në vit me 15%, kjo tregon që barrë e rëndë fiskale sjellë shtrembërim të tregut, sjellin dhe informalitet”, thotë Pipiria.
Për të zgjidhur këtë problem, qeveritë kanë bërë disa herë rivlerësime të pronave, duke i afruar ato me vlerën e tregut. Në këtë mënyrë në rast shitje diferenca mes çmimi të rivlerësuar dhe asaj të shitjes nuk do ketë diferencë të madhe.
Por sipas ekspertit tregu i shit-blerjes së pronave nuk mund të rregullohet me fushata rivlerësimi, pavarësisht efektit pozitiv që ata kanë.
“Procesi i rivlerësimit ndihmon shumë, por ka ardhur momenti që duhet të ketë një ndryshim tërësor të tatimit për transaksionet e pasurive të paluajtshme”, thotë eksperti.
Pipiria thotë se ka ardhur koha për një sistem të ri taksimi, ku norma të jetë më e ulët se 15%, dhe individi të mos tatohet për shitjen e banesës së parë.
“Ky moment duhet të shfrytëzohet për të parë barrën tatimore për strehimin sepse nuk është e volitshme të vazhdohet me fushata më tej. Nëse banesa ka shërbyer si një rezidencë parësore, ti je i përjashtuar nga tatimi në momentin që e tregon, sidomos nëse ke përdorim mbi 3 vite”, thotë Pipiria.
Një tjetër rivlerësim i pasurive të paluajtshme pritet të ndodhë, brenda këtij viti nëse miratohet projektligji i depozituar në kuvend nga socialistët. Sipas propozimit të deputetes së PS-së Blerina Gjylameti rivlerësimi do ketë tatim 3% dhe do të zgjasë deri në qershor 2025. Pra nëse diferenca midis çmimit të parë dhe atij të shitjes është 30 mijë euro, tatimi do të jetë 3% ose 900 euro.
Drafti i PS-së për rivlerësimin e pasurive të paluajtshme
Lajme të tjera
-
Pronat e patundshme “rrëmbejnë” 25% të investimeve të huaja! ‘Turistët’, shtëpi në Tiranë e bregdet
11 Shtator, 16:12
-
Vlorë, të huajt po blejnë apartamente në bregdet! Kërkesa rrit çmimet, shkon 4 mijë €/m2 te zona e Ujit të Ftohtë
24 Korrik, 17:09
-
Mungesa e çertefikatave të pronësisë në Shqipëri, pengesë për zhvillimin
23 Qershor, 19:27 -
As një e pesta e pronave në Kosovë nuk zotërohet nga gratë
28 Dhjetor 2023, 13:01 -
Analiza e specialistëve të BSH, ja rritja e çmimeve të pronave në zonat kryesore
6 Qershor 2023, 07:08 -
Vendimet e Qeverisë/ Kompensimi i pronave, Manja: Do t’i kthehen ish-pronarëve që u janë konfiskuar, ose marrin kompensim
24 Maj 2023, 13:16 -
Për arrestimin e Belerit protestuan ashpër, por Greqia arrestoi sot 5 blerës të votave teksa zhvillohen zgjedhjet parlamentare
21 Maj 2023, 15:02 -
Sherr për pronat në Elbasan, arrestohet 34-vjeçari! Tentoi të vriste fqinjin duke e goditur me makinë dhe levë (Emrat)
18 Maj 2023, 09:46 -
Mero Baze: Tani jam i qartë përse Meta flet kundër blerjes së votës!
10 Maj 2023, 18:45
-
’14 maji’/ Mesazhi i Kim: Ka raportime për blerje votash, të merren masa për partitë
10 Maj 2023, 11:13 -
VIDEO/ Shit-blerje votash për Partinë e Lirisë, 1 në pranga, 1 nën hetim! Qytetari kërkonte 15 mijë lekë për 4 vota! Meta: Inskenime të mjera të Çuçit
10 Maj 2023, 09:11 -
Rivlerësimi i 4672 vendimeve të pronave rrit kompensimin me 160 milionë euro
20 Shkurt 2023, 07:14
