/ATSH/ - Gjatë muajit korrik, Teatri Kombëtar i Operas dhe Baletit do te orfroje për publikun katër aktivitete si një alternativë që publiku  të mos shkëputet nga salla dhe emocionet që ofrojnë artistët përmes shfaqeve të ndryshme.

3 korriku do të prezantojë koncertin e parë në Hollin e TKOB-së ku në orën 20:00, solistët  Orges Malaj, Ridvan Murtezi dhe Ilir Kodhima do të interpretojnë një koncert me pjesë të zgjedhura.

Edhe promovimi i koreografëve të rinj do të ketë hapësirë dhe do të jetë pjesë e kalendarit të korrikut në TKOB, ku në datat 4 dhe 5 korrik, ora 20:00, do te prezantohet projekti "Koreolabos", projekt i cili ka si qëllim promovimin e koreografëve të rinj. Ndërkohë më 10 korrik 2015, solistët e teatrit, Orges Malaj, Ridvan Murtezi dhe Ilir Kodhima do të udhëtojnë drejt Teatrit të Kosovës, ku në orën 20:00 do të zhvillojnë një koncert me pjesë të zgjedhura.  22 korriku do të mbyllë ciklin e aktiviteteve të muajit të TKOB-së, me një aktivitet nga Trupa e Baletit në Tetovë, Maqedoni.