Ngushtohet rrethi i qyteteve në garë për organizimin e olimpiadës verore të vitit 2020. Gjatë mbledhjes së Komitetit Olimpik Ndërkombëtar në Quebec të Kanadasë, u skartuan kandidaturat më të dobëta, ato të kryeqytetit të Azerbajxhanit, Baku si dhe ai i Katarit, Doha.

Kështu në garë për sprintin final ngelën në garë Madridi, Stambolli e Tokjo. Vendimi për qytetin organizator të olimpiadës 2020, do të merret në shtator të vitit 2013 në Buenos Aires të Argjentinës.

Qyteti i Baku është penalizuar për shkak të infrastrukturës së dobët të transportit dhe hoteleve pavarësisht investimeve të mëdha, ndërsa për Doha, duket se drejtuesit e IOC, nuk kanë pranuar të bëjnë një favor duke pritur të testohet botërori i futbollit në temperatura të larta në 2022. (rb/shqiptarja.com)