Tony Blair viziton Kosovën

Prishtinë - Vjen sot në kosovë, ish-kryeministri britanik Toni Bler, njeriu kryesor i cili vuri në lëvizje ndërhyrjen e NATO-s kundër masakrave serbe mbi popullsine civile kosovare.

Ish-kryeministri britanik, përmes fondacionit të tij `Faith Foundation`, do të ndihmojë dy universitete kosovare në promovimin e tolerancës dhe debatit kritik për rolin e feve në shoqëritë demokratike. 

“Blair Tony Faith Foundation”, është themeluar nga RT. Hon Tony Blair në vitin 2008 dhe fokusohet në të kuptuarit e ndikimit të fesë në botën e sotme, dhe përpiqet për respekt dhe mirëkuptim midis feve kryesore të botës.

Ai poashtu do të pritet nga zyrtarë të lartë të institucioneve të Kosovës.

Toni Bler ishte kryeministri i parë britanik që kishte vizituar Kosovën pas futjes së trupave britanike në Kosovë që rezultonin të ishin njësitet e para të këmbësorisë.

/rg/shqiptarja.com/