POP 5

Lajmet më të lexuara të 5 minutave të fundit

Politikë

Topi dhe Berisha shtrëngojnë
duart në Ditën e Europës

Presidenti Bamir Topi dhe kryeministri Sali Berisha kanë shtrënguar duart në Ditën e Europës. Të dy personalitetet e larta kanë qenë të ftuar në një ceremoni që u zhvillua pasditen e sotme në Teatrin e Operas dhe Baletit, me rastin e 9 majit. Ndërsa zinin vend në hollin e TOB, Topi dhe Berisha janë ‘detyruar’ të takojnë njëri-tjetrin, kjo dhe për shkak të pranisë aty të ambasadorit të Bashkimit Europian në Tiranë, Ettore Sequi. Presidenca: Një gjest kortezie. (Foto: arkiv)
Topi dhe Berisha shtrëngojnë<br />duart në Ditën e Europës
TIRANE- Presidenti Bamir Topi dhe kryeministri Sali Berisha kanë shtrënguar duart në Ditën e Europës. Të dy personalitetet e larta kanë qenë të ftuar në një ceremoni që u zhvillua pasditen e sotme në Teatrin e Operas dhe Baletit, me rastin e 9 majit, Ditës së Evropës. Ndërsa personalitetet zinin vend në hollin e TOB, presidenti Topi dhe kryeministri Berisha janë ‘detyruar’ të takojnë njëri-tjetrin, kjo dhe për shkak të pranisë aty të ambasadorit të Bashkimit Europian në Tiranë, Ettore Sequi.

Burime nga Presidenca konfirmuan për Shqiptarja.com shtrëngimin e duarve mes Topit dhe Berishës. “Bëhej fjalë për një gjest kortezie” që “Presidenti Topi e ka bërë gjithmonë”, shtoi i njëjti burim.

Duket se ka qenë një përpjekje e ambasadorit të BE në Tiranë, Ettore Sequi për t'i afruar dy liderët shqiptarë, ndërsa ka zgjedhur të ulet mes tyre, për të ndjekur ceremoninë e rastit. Në krahun e djathtë të Sequit ndodhej Presidenti Topi i pasuar nga ministrja e Integrimit Majlinda Bregu ndërsa në krahun majtë të tij ndodhej i ulur Kryeministri Sali Berisha me zonjën e tij dhe kryetaren e Kuvendit Jozefina Topalli. Vendi mes dy liderve Topi dhe Berisha ka mbetur bosh pasi zoti Sequi ka marrë fjalën për të përshëndetur aktivitetin për Ditën e Europës. Gjithsesi gjatë kësaj kohe dy liderët Topi dhe Berisha nuk kanë shkëmbyer asnjë fjalë. Më shumë se vëmëndje për të ndjekur fjalimin e z.Sequi duket se ka qenë marrëdhënia e tyre e ftohte e krijuar prej disa muajsh për shkak të disa akuzave dhe sulmeve politike të ndërsjella.

Ndërkaq ambasadori i BE, Ettore Sequi, në fjalën e tij theksoi se objektivat e afrimit në Bashkimin Evropian nuk janë të lehta por do të arrihen. “Dua të them se proverbi im i preferuar për Shqipërinë dhe urimi im në këtë vit të veçantë është se ku ka zemër ka edhe krahë”, deklaroi Sequi.

(Pamjet, arkiv)

(jd/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46