Sot në mbrëmje, në orën 19:00 në mbrëmjen gala që do të zhvillohet në Zyrih të Zvicrës, do të shpallet fituesi i Topit të Artë për vitin 2012.

Lionel Messi është favoriti për të fituar trofeun dhe për të bërë historinë duke arritur ta fitojë këtë çmim për herë të katërt radhazi. Cristiano Ronaldo duket se edhe këtë edicion do të përfundojë i dyti, ndërsa Iniesta ka shumë pak shanse.

Vicente Del Bosque është favoriti kryesor për të fituar titullin si trajneri më i mirë i vitit. Pep Guardiola dhe Jose Mourinho nuk shihen si favoritë për të rivalizuar denjësisht.

(d.b/shqiptarja.com)