Topi: Skenarët ultranacionalistë do dështojnë

Topi: Skenarët ultranacionalistë do dështojnë
TIRANË - Presidenti i Republikës, Bamir Topi, duke u njohur me arrestimet e fundit të shqiptarëve nga policia serbe në Luginën e Preshevës dhe rritjen e tensionit etnik atje në prag të zgjedhjeve të përgjithshme në Serbi, dënon me vendosmëri këto skenare ogurzinj të forcave ultranacionaliste serbe për të krijuar terror dhe frikë ndaj popullsisë shqiptare.
Sipas deklaratës në faqen zyrtare të presidencës, këto veprime të paramenduara që shkelin standardet demokratike dhe personalitetin e palëkundur të popullsisë shqiptare në Luginën e Preshevës, synojnë të destabilizojnë paqen dhe sigurinë e popujve të rajonit tonë.

“Presidenti i Republikës thekson se, tashmë në Evropën demokratike asnjë skenar i forcave ultranacionaliste dhe shoviniste serbe dhe i kujtdo qoftë nuk mund të trembë shqiptarët, t’i terrorizojë ata dhe t'i largojë nga të drejtat e tyre legjitime për të jetuar të barabartë e në paqe në trojet e tyre amtare”, thuhet në qëndrimin zyrtar të Presidentit të Shqipërisë.

(aq/shqiptarja.com)

  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

Vapa “djeg” pushimet e policëve! 12 orë punë në ditë! Bisedat e efektivëve do monitorohen me aplikacion të ri

Vapa “djeg” pushimet e policëve! 12 orë punë në ditë! Bisedat e efektivëve do monitorohen me aplikacion të ri