Në "Stadiumin Olimpik", Torino mundi 3-0 Napolin. Kampionët në fuqi të Italisë kanë tre ndeshje pa fitore dhe rrezikojnë Europën. Për raundin e 19-të në Serie A, Torino e Ivan Juric u tregua më e saktë dhe ia doli të shënonte tre herë. Pjesa e parë e sfidës u mbyll në epërsi minimale për "Demat", që iu falën golit të Sanabrias në të 43 minutë. Në fraksionin e dytë, Mazzochi la Napolin me një lojtar më pak, vetëm katër minuta pasi u fut në fushë. Vlasic në të 52 minutë dhe Buongiorno në të 66' shënuan edhe dy herë të tjera për vendasit. Te Torino Mërgim Vojvoda qëndroi në stol gjatë këtij takimi. Napoli me 29 pikë mban vendin e nëntë, dy pikë më pak se vendin i gjashtë që të çon në Evropë. Torino me këtë sukses ngjitet në vendin e dhjetë me 27 pikë.


Lajmi kryesor:

GOLAT/ Juventusi përmbys dhe ndjek Interin në Serie A, Milani tripletë në Empoli! Napoli bie në Torino, Roma ngec në 'Olimpico' me Atalantën