Tradita shqiptare përtej oqeanit... njihuni me restorantin tradicional në New York

Tradita shqiptare është shtrirë edhe përtej oqeanit... deri në Nju Jork.

 “Dua Kafe” është një restorant i vogël që ofron gatime shqiptare, që nga byreku e deri te tava e kosit.

Pronarët e “Dua Kafe” janë një çift shqiptarësh, Aida dhe Bobian Demçe, njëri nga jugu e tjetri nga veriu kanë bashkuar forcat për të promovuar shijen e fisme shqiptare.

Çifti tregon për televizionin amerikan, CBS, se vendimi për të hapur një restorant tradicional shqiptar në një qytet si Nju Jorku nuk ishte aspak i lehtë e madje i frikshëm.

Por Aida më në fund u bind nga bashkëshorti i saj, Bobiani, i cili kishte besim të plotë te aftësitë e saj të gatimit.

Restoranti ka foto dhe dekorime nga Shqipëria dhe i qëndron besnik traditës në gatim, duke tërhequr kështu jo vetëm shqiptarë, por edhe amerikanë e kombësi të tjera.

Shumë shqiptarë që jetojnë në SHBA apo që shkojnë ta vizitojnë vendin e shumësynuar, nuk rirnë pa provuar gatimet e restorantit të vogël.

Personazhe të showbizit shqiptar shpesh postojnë foto në restorant ku edhe kalojnë kohë të këndëshme me njëri-tjetrin.

Albërie Hadergjonaj në restorant

/Shqiptarja.com

TAG:
• New York
• restorant
• tradita
• dua kafe
• aida demce