Iu gjetën armë dhe municione, 5 vëllezërit Sallaku rikthehen në burg, 2 gratë në arrest shtëpie - Si doli zbuluar familja nga përgjimet

5 vëllezërit shqiptarë Sallaku janë rikthyer në burg nga gjykata italiane. Ata u arrestuan nga policia e Breshias dhe Bergamos në nëntor të 2018-ës, pas një operacioni anti-drogë që u finalizua me arrestimin e 22 personave, italianë dhe shqiptarë. Mes të arrestuarve ishte edhe presidenti i klubit Darfo Calcio, Gëzim Sallaku, një nga vëllezërit Sallaku.

Saimir, Gezim (president i Darfo Calcio), Isuf, Gazmir dhe Taulant janë shqiptarët, ndaj të cilëve mëngjesin e djeshëm është lëshuar masa e arrestit, ndërkohë që 2 gratë e tyre, janë ende në telashe, pasi gjykata ka lëshuar masën e sigurisë “arrest shtëpie”, raporton BresciaToday.

Gëzim Sallaku, biznesmeni i arrestuar në Itali

Në vilën e tyre në Sale Marasino, biznesmenit Gëzim Sallaku iu gjetën 3 armë dhe municione. Pas arrestimit në nëntor ata u liruan, ndërsa në burg ngeli vetëm vëllai i tyre, Saimiri, i cili mori përsipër të gjitha përgjegjësitë.

Por pas hetimeve që janë zhvilluar nga Policia dhe falë disa përgjimeve, u zbulua se në të vërtetë të gjithë vëllezërit i njihnin armët bashkë me ta edhe dy nga gratë e familjes Sallaku.

Kjo ka bërë që Gjykata të lëshojë urdhër arresti dhe të rikthejë në burg shqiptarët. Vëllai i tyre, Saimir Sallaku ishte arrestuar më herët duke shitur një kilogramë kokainë tek dy tregtarë të njohur të drogës në Breshia.

Vëllezërit Sallaku, Gëzim e Sajmir

Kur shqiptarët u arrestuan policia dyshonte se familja Sallaku kryente kontrabandë lëndësh narkotike duke kontrolluar shitjen në Bergamo dhe Parma.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Greqi, goditet rrjeti i prostitucionit, shfrytëzonte vajza të mitura 14 dhe 15-vjeçare

Greqi, goditet rrjeti i prostitucionit, shfrytëzonte vajza të mitura 14 dhe 15-vjeçare