POP 5

Lajmet më të lexuara të 5 minutave të fundit

Kronikë

Trafik droge në Francë, koka në Durrës, GJKKO cakton 'arrest me burg' për 3 të arrestuarit në Shqipëri

Hetimet e skuadrës së përbashkët të SPAK dhe autoriteteve franceze zbuluan grupin kriminal që ishte vendosur në Lion të Francës por që furnizonte me drogë edhe 4 qarqe të tjera franceze, si Savojan, Savojan e sipërme, Rhone dhe Ain.

Trafik droge në Francë, koka në Durrës, GJKKO cakton 'arrest me burg' për 3 të arrestuarit në Shqipëri

Operacioni i SPAK

GjKKO ka caktuar arrest me burg për tre shqiptarët e arrestuar si pjesëtarë të një grupi që trafikonin drogë në Francë. Bëhet fjalë për Redian (Refik) Dodën, Zabit (Artur) Fisnikun dhe Fabi Isakun.

Hetimet e skuadrës së përbashkët të SPAK dhe autoriteteve franceze zbuluan grupin kriminal që ishte vendosur në Lion të Francës por që furnizonte me drogë edhe 4 qarqe të tjera franceze, si Savojan, Savojan e sipërme, Rhone dhe Ain.

Sipas hetimeve Redian Doda në Durrës, ishte koka e grupit dhe e drejtonte këtë trafik

"Vlera e lëndëve narkotike të sekuestruara tejkalon vlerën prej 1 milion euro' informoi dje SPAK. 

Prokuroria e Posaçme kundër Korrupsionit dhe Krimit të Organizuar më datë 02.07.2024 ka paraqitur pranë Gjykatës kërkesën me objekt: Marrjen në pyetje, në respektim të nenit 248 të Kodit të Procedurës Penale, të personave nën hetim Redian (alias Refik) Doda, Zabit (alias Artur) Fisniku, Fabi Isaku, dhe lënien në fuqi të masës së sigurimit “arrest në burg” parashikuar nga neni 238 i Kodit të Procedurës Penale, të caktuar me vendimin Nr. 66 Akti, datë 28.06.2024, të Gjykatës së Posaçme të Shkallës së Parë për Korrupsionin dhe Krimin e Organizuar.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, me vendimin Nr. 70, datë 03.07.2024 vendosi:

Vazhdimin e masës së sigurimit “Arrest në burg” parashikuar nga neni 238 i Kodit të Procedurës Penale caktuar ndaj personit nën hetim Redian (alias Refik) Doda, Zabit (alias Artur) Fisniku, Fabi Isaku me vendimin Nr. 66, datë 28.06.2024 të Gjykatës së Posaҫme të Shkallës së Parë për Korrupsionin dhe Krimin e Organizuar, si të dyshuar për kryerjen e veprave penale “Trafikim i lëndëve narkotike” kryer në bashkëpunim, në formën e grupit të strukturuar kriminal, të parashikuar nga nenet 283/a dhe 28 pika 4 e Kodit Penal, “Grup i strukturuar kriminal”, parashikuar nga neni 333/a/ i Kodit Penal, si dhe “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 i Kodit Penal.

Ngarkohet Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore për ekzekutimin e këtij vendimi.

 Kundër këtij vendimi mund të bëhet ankim në Gjykatën e Posaҫme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e njoftimit të këtij vendimi.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zakarel: 03/07/2024 11:38

    Keto isaku jane te rrezikshem

    Përgjigju
  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

I dënuar përjetë për masakrën e Lushnjës, Laert Haxhiu ekstradohet sot nga Greqia

I dënuar përjetë për masakrën e Lushnjës, Laert Haxhiu ekstradohet sot nga Greqia

3 Korrik, 13:31