Trafikoi qindra njerëz drejt Britanisë, dënohet me 10 vite burg 24- vjeçari shqiptar! Bashkëpunëtor i rrjetit iranian

24-vjeçari shqiptar Eglantin Doksani, është dënuar nga Gjykata e Mbretërisë së Bashkuar me 10 vite burg, për trafikim të qindra njerëzve drejt Mbretërisë së Bashkuar me varka të vogla gjatë 2022.

Sipas hetuesve të Agjencisë Kombëtare të Krimit, i riu shqiptar u identifikua si një nga bashkëpunëtorët e Heëa Rahimpur, një nga drejtuesit e një bande të përfshirë në lëvizjen e rreth 10,000 njerëzve në Mbretërinë e Bashkuar. Ky i fundit u arrestua nga NCA në lindje të Londrës në vitin 2022 dhe u ekstradua në Belgjikë për t’u përballur me gjyqin. Ai u dënua me 11 vjet burg tetorin e kaluar.

24-vjeçari shqiptar Eglantin Doksani vepronte si agjent për emigrantët, duke ndërmjetësuar hapësirat në varkat që përdoreshin nga rrjeti i Rahimpurit dhe të tjerë. Nga bisedat në Ëhatsapp të gjetura në telefonin e Rahimpurit u panë diskutime rreth njerëzve që Doksani dëshironte të transferonte në Britani.

Në një mesazh, Doksani, i tha Rahimpurit: “Ju lutemi të përpiqeni të bëni diçka nesër për të dërguar djemtë sepse kam edhe 10 njerëz të tjerë që më presin. Cash në dorë”. Në një tjetër ata diskutuan për paratë, me Doksanin duke thënë: “Herë tjetër vëlla, do t’i bëj më mirë të gjithë bashkë për 10 persona 30 mijë £. 

Doksani i dërgoi edhe një hartë me koordinata për vendin ku prisnin klientët e tij, në Gravelines midis Calais dhe Dunkirk.

“Ata po presin afër ujit vëlla,” tha ai.

Kur oficerët e NCA fillimisht arrestuan Doksanin në korrik 2022, ai jetonte në një apartament në Isle of Dogs. Teksa mbërritën, ata panë një qese e hedhur nga dritarja. Më vonë u zbulua se përmbante kokainë. Nga vendi i ngjarjes u gjetën edhe peshore elektronike dhe prerëse. Doksani u lirua me kusht në pritje të hetimeve të mëtejshme.

Pasi u zbuluan prova të mëtejshme të aktiviteteve të tij të kontrabandës me njerëzit e tij nga hetuesit, ai u arrestua për herë të dytë, këtë herë në Cheshunt, Hertfordshire. Oficerët e NCA zbuluan se ai kishte përdorur një pasaportë false për të hapur llogari bankare, të cilat më vonë i përdori për të depozituar fitimet e tij kriminale.

Pas arrestimit të tij të dytë, ai u akuzua për lehtësimin e emigracionit të paligjshëm, mashtrimin, pastrimin e parave dhe veprat penale të furnizimit me drogë.

Eglantin Doksani

S.B/Shqiptarja.com

TAG:
• Eglantin Doksani
• Britani e Madhe