Trafikonin lëndë narkotike si familje, gjykata belge dënon 10 shqiptarët

Gjykata penale në Derdemonde të Belgjikës ka dënuar një familje shqiptare, e cila prej kohësh merrej me shitjen e lëndëve narkotike. Sipas mediave vendase në total bëhet fjalë për 10 persona që i përkisnin të njëjtës familje dhe të cilët merreshin me aktivitetin e shitjes së drograve të ndryshme.

Mësohet se gjatë një operacioni të ushtruar nga policia belge në Sint-Niklas janë bllokuar katër makina dhe 32,000 mijë euro, të cilat janë vërtetuar se janë përftuar përmes aktivitetit të paligjshëm, përcjell hln.be.

Gjatë kontrollit në shtëpitë e tyre në  Sint-Niklaas u gjetën sasi të mëdha kokaine e kanabis. Droga ishte futur në kuti në garazh.

Dy pjesëtarëve të familjes , Gëzim L. dhe Martin L.  ju është dhënë  dënimi me 5 vite burg , ndërsa ata do të paguajnë në një gjobë prej 8 mijë  eurosh,

Ndërkohë vëllai tjetër i dy vëllezërve Erlind L, mori një dënim me 4 dhe një gjobë prej 8,000 euro.

Mësohet se të  afërmit e tjerë u dënuan me nga dy vite burg, por bashkë me dënimin ata do të paguajnë edhe një gjobë financiare, duke përjashtuar të pandehurin e fundit, ndaj të cilit gjykata vendosi një gjobë prej 1600 eurosh.

Bëhet e ditur se pjesë e grupit  ishin edhe dy motrat e familjes, të cilat bashkëpunuan me drejtësinë belge dhe për këtë gjykata vendosi t’i lirojë nga akuzat .

TAG:
• belgjike
• Gëzim L
• martin l
• policia belge