POP 5

Lajmet më të lexuara të 5 minutave të fundit

Kronikë

Trafiku i heroinës/ Goditja e grupit të drogës, si u infiltrua agjenti i policisë

Grupi i cili u arrestua para pak ditësh në Tiranë, në zonën pranë një qendre tregtare,është zbuluar nga një agjent i Policisë së Shtetit, i cili i është paraqitur trafikantit të drogës Besmir Dashi,se kërkonte të blinte prej tij një sasi të konsiderueshme heroinë.

Trafiku i heroinës/ Goditja e grupit të drogës, si u infiltrua agjenti i policisë

Trafiku i heroinës nga Maqedonia në drejtim të Shqipërisë. Grupi i cili u arrestua para pak ditësh në Tiranë, në zonën pranë një qendre tregtare,është zbuluar nga një agjent i Policisë së Shtetit, i cili i është paraqitur trafikantit të drogës Besmir Dashi,se kërkonte të blinte prej tij një sasi të konsiderueshme heroinë. Agjenti i infiltruar kishte siguruar të dhëna se Dashi dhe bashkëshortja e tij arrinin të gjenin sasi të konsiderueshme heroine në Maqedoni dhe ta fusnin në Shqipëri, duke e përpunuar në një laborator në fshatin Paskuqan dhe më pas e shpërndanin në zona të ndryshme të Tiranës, Durrësit, Elbasanit etj.

Gjithmonë sipas të dhënave të policisë së Durrësit çifti i bashkëshortëve hynte dhe dilte shpesh në Maqedoni vend nga e siguronin dhe drogën. Informacionet flisnin se 1 kg drogë çifti e shiste kundrejt 13 mijë eurove në qytete të ndryshme të Shqipërisë duke bashkëpunuar ngushtë me Nexhmedin Uka, Almir Troci dhe Alban Rajtja. Për dy personat e parë, Ukën, Trocin dhe Besmir Dashin gjykata e Durrësit ka dhënë masën e “arrestit në burg” ndërsa për shtetasin Alban Rajtja është vendosur masa e sigurisë detyrim paraqitje.

Në funksion të kryerjes së hetimeve aktive, ndjekjes në terren dhe përgjimit telefonik, prokurori i Durrësit Madrid Kullolli ka urdhëruar nëntor 2018 policinë që të kryejë veprime simuluese, duke infiltruar agjentë civilë me qëllim blerjen e sasive të vogla të drogës dhe identifikimin e plotë të këtij grupi kriminal. Kështu një agjent policie është vënë në shërbim të prokurorisë dhe ka marë disa herë kontakte me shtetasin Besmir Dashi, duke i kërkuar ti blerë sasinë e lëndës narkotike heroinë. Fillimisht në 16 nëntor 2018 në zonën e quajtur “Casa Italia”, në një lokal aty afër Besmir Dashi i ka dhënë agjentit të policisë një sasi prej 1.5 gramë heroinë.

Qëllimi i këtij takimi mes këtyre dy personave ka qënë pikërisht për marjen e kësaj mostre droge, ku synohej që të provohej cilësia e mallit dhe më pas të procedohej me blerjen e sasisë më të madhe të heroinës. Pasi është marrë kjo mostër nga agjenti dhe është ekspertuar në laborator ka dalë se sasi prej 1.5 gramë drogë ishte heroinë. Më pas ai në datën 22 nëntor 2018 është autorizuar sërish për të kryer një blerje tjetër tek Bashkim Dashi.

Tek i njëjti lokal në zonën e “Casa Italia” agjenti ka takuar Bashkim Dashit dhe ka blerë prej tij 534 gramë heroinë kundrejt një çmimi prej 7 mijë euro. Kjo ishte blerja e parë për sa i përket takimeve mes agjentit dhe trafikantit ndërkohë gjatë muajit dhjetor dhe janar agjenti i infiltruar dhe Besmir Dashi janë takuar vazhdimisht duke kryer biseda të shumta për sjelljen në Shqipëri të një sasie prej 5 kg lënde narkotike heroinë.

Në 30 janar 2019 të dy burrat janë takuar në zonën e TEG në Tiranë, dhe se nga hetimet e kryera rezultoi se shtetasi Nexhmi Uka së bashku me shtetasin Almir Troci kishin një sasi lënde narkotike prej 5 kg, të cilën me ndërmjetësimin e shtetasin Besmir Dashi, kërkonin ta shisnin me shumën e rënë dakord me punonjësin e policisë nën mbulim nën shumën prej 65 mijë euro. Por gjatë shkëmbimit të mallit me sasinë e eurove është bërë dhe ndërhyrja e policisë që mbante në mbikqyrje të gjitha lëvizjet në distancë, duke sekuestruar sasinë prej 5 kg e 210 gramë heroinë të vendosur në 10 pako.

Në cilësinë e proves materiale janë sekuestruar 5 aparate telefonike,50.900 lekë të reja,5815 euro dhe 1845 dollarë. Ndërkohë në pranga kanë rënë Besmir Dashi, Nexhmi Uka dhe Amir Troci, të cilët në bashkëpunim me njëri-tjetrin dhe me persona të tjerë kanë sjellë nga Maqedonia drejt Shqipërisë sasinë e drogës së lart përmendur.Nexhmi Uka mësohet se është është pronari i një pike të këmbimit valutor “Geri 1997” dhe është arrestuar njëherë tjetër nga policia në vitin 2014, në vitin 2014 me 1.2 kg kokainë të sjellë nga Amerika Latine. Në atë periudhë Uka u arestua së bashku me një ish-gardist të quajtur Edmond Rajta.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça