POP 5

Lajmet më të lexuara të 5 minutave të fundit

Arkiva

Tragetit të Adria Ferris i duhet një
rimorkiator të ankorohet në Bari

Trageti Marina i shoqërisë së udhëtimeve Adria Ferries që bën linjën Durrës - Bari është vonuar sërish për t’u ankoruar. Madje i është dashur ndihma e një rimorkiatori. Ankohen pasagjerët pasi trageti ka vështirësi edhe kur moti është me pak erë. (Foto: Rimorkiatori ndihmon sot tragetin të ankorohet)
BARI- Trageti Marina i shoqërisë së udhëtimeve Adria Ferries që bën linjën Durrës - Bari është vonuar sërish për t’u ankoruar. Hera e fundit ndodhi sot në mëngjes në portin e Barit të Italisë. Edhe pse erëra sot nuk ka qenë e fortë pasagjerët thonë se trageti ka pasur probleme me ankorimin.

Në portin italian trageti, është ndihmuar nga një rimorkiator për t’u ankoruar pasi ka pasur shumë vështirësi. I njëjti problem u konstatua edhe pak ditë më parë, kur ankorimi në portin e Durrësit të tragetit u vonua për 8 orë.

Pasagjerët ankohen për kohën e gjatë të ankorimit duke i detyruar ata të presin me orë të tëra në traget.

Trageti “Marina” është një nga tragetet më të avashta sa i takon ankorimit në porte dhe pasagjerët shpesh herë janë ankuar. Madje ka raste kur i duhen edhe 30 minuta për tu lidhur me kalatën, në një kohë që tragetet e tjerë këtë procedurë e kryejnë shumë më shpejt se trageti në fjalë.

Pasagjerë të tragetit kanë dërguar në redaksinë Shqiptarja.com, nëpërmjet RAPORTONI JU, foto të momentit kur trageti është shtyrë nga rimorkiator.

rimorkiatori trageti Marina
                                               
(Foto: Rimorkia duke ndihmuar tragetin të ankorohet, dhe trageti pas ankorimit në Bari. Fotot në redaksi nga pasagjerë)                                         
                                                                                 
I njëjti problem u konstatua edhe pak ditë më parë, kur ankorimi në portin e Durrësit të tragetit u vonua për 8 orë. Trageti bën linjën Durrës- Bari dhe anasjelltas dhe niset në orën 23:00 nga të dy portet respektive.

(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13