Tragjedi në alpet zviceriane dhe austriake! 10 persona vdesin gjatë fundjavës, shkak ortekët e dëborës

Tragjedi në alpet zviceriane dhe austriake! 10 persona vdesin gjatë fundjavës, shkak ortekët e dëborës

Skiatorë në Zvicër

Dhjetë persona kanë humbur jetën në disa ortekë në Alpet austriake dhe zvicerane gjatë fundjavës.

Turistët nga Zelanda e Re, Kina dhe Gjermania ishin në mesin e të vdekurve në një numër vendpushimesh të ndryshme skish. Autoritetet austriake lëshuan një alarm të nivelit të katërt për ortekët, i dyti më i madhi - pas reshjeve intensive të borës dhe erës në zonë.

Pavarësisht paralajmërimeve, vendpushimet e skive në Austrinë perëndimore janë mbushur plot për shkak të pushimeve shkollore në Vjenë. Policia austriake njoftoi pesë vdekje të dielën, duke përfshirë atë të një 59-vjeçari që po përdorte borëpastruesen në rajonin perëndimor të Tirolit.

Ata gjetën gjithashtu trupat e një udhërrëfyesi skijimi në ‘Sankt Anton am Arlberg’ dhe një 62-vjeçar i cili po bënte ski në rrugë rreth majës së Hohe Aifner. Të shtunën, një 17-vjeçar nga Zelanda e Re, një shtetas kinez 32-vjeçar dhe një gjerman rreth të 50-tave, për të cilët thuhej se të gjithë po bënin ski jashtë shtigjeve të përcaktuara të skive kur ranë ortekët, u gjetën gjithashtu të vdekur.

Në Zvicër, një grua 56-vjeçare dhe një burrë 52-vjeçar ndërruan jetë pas një orteku bore në kantonin juglindor të Graubuenden të shtunën në mëngjes. Policia zvicerane tha se një anëtar i tretë i grupit të tyre arriti të shpëtonte i padëmtuar.

Ortekët janë të zakonshëm në të dy vendet. Sipas agjencisë së lajmeve të Austrisë, vetëm të shtunën u raportuan 30 orteqe në rajonin e Tirolit.

Niveli i alarmit të nivelit të katërt të Austrisë do të thotë "rrezik për orteqe të mëdhenj". Ai këshillon skiatorët e papërvojë të qëndrojnë në pista dhe shtigje skish të hapura dhe për skiatorët me përvojë të qëndrojnë larg terreneve shumë të pjerrëta.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë

Rusia sërish kërkon debat në Këshillin e Sigurimit mbi ndërhyrjen e NATO-s në Kosovë