Një ngjarje e rendë ka ndodhur ditën e sotme në lagjen Dardania në Prishtinë ku raportohet se një person ka vrarë, gruan, nusen e djalit dhe më pas veten.
Mësohet se në kohën kur ka ndodhur vrasja ka qenë prezente edhe një foshnje 2-vjeçare.
Siç raporton gazeta Express burri që kreu krimin nuk ishte një emër i panjohur për drejtësinë pasi edhe një vit më parë kishte tentuar të vriste gruan. Policia e kishte lënë të lirë pasi ai kishte shfaqur probleme mendore dhe i kishte konfiskuar armën e krimit.
Por ditën e sotme ai kishte blerë një armë tjetër, dhe e ka përdorur atë për të kryer vrasjen e trefishtë.