POP 5

Lajmet më të lexuara të 5 minutave të fundit

Kronikë

Po lahej me shokët, mbytet në Liqenin e Farkës 12-vjeçari

Një ngjarje e rëndë ka ndodhur mesditën e sotme te Liqeni i Farkës në Tiranë, ku është mbytur një 12-vjeçar teksa ka hyrë në ujë të lahej me shokët. Kanë qenë fëmijët e tjerë që kanë lajmëruar për ngjarjen e rëndë.

TIRANE-Ishte futur për t’u larë në Liqenin e Farkës, por 12 vjeçari nuk ka arritur dot të dalë, duke u mbytur. Daniel Delia kishte shkuar bashkë me dy shokët e tij në Liqenin e Farkës, por për shkak të myshqeve, nuk ka dalë dot. Ngjarja ka ndodhur mesditën e së martës, dhe i mituri pavarësisht se ishte me dy shokë, nuk ka dalë dot nga Liqeni.

Daniel Delia banonte në Shkozë dhe kishte shkuar te Liqeni i Farkës rreth orës 14:00 për të notuar. Sipas dëshmisë që kanë dhënë dy shokët e tij, Danieli nuk ka dalë dot nga liqeni për shkak të myshqeve dhe ka rrëshqitur. Tre të miturit kishin disa minuta që po notonin në Liqen.

Polumbarët e RENEA-s e kanë nxjerrë trupin pas 2-orësh në ujë. Trupi i Daniel Delisë kishte ngecur në një pjesë betoni te diga e Liqenit të Farkës. Diga në fakt përdoret edhe për largimin e ujit, çka mund të jetë një tjetër shkak që ka shkaktuar mbytjen e të miturit, për shkak të tërheqjes që mund ti ketë bërë uji. Mbytja e 12-vjeccarit në Liqenin e Farkës, iu ka kujtuar banorëve të zonës tragjedinë e 11 marsit 2007. Në këtë datë janë mbytur 16 persona në këtë Liqen pasi u rrëzua varka gjatë natës.


Polumbarët nxjerrin trupin e 12-vjeçarit



Pamje nga vendi i ngjarjes

Informacion paraprak i policisë
Më datë 05.06.2018, rreth orës 14:25, jemi njoftuar se tek Diga e Liqenit në Farkë, Tiranë është mbytur një fëmijë i mitur.
Paraprakisht dyshohet që fëmija i mitur i moshës rreth 12 vjeç, të ketë qënë duke luajtur së bashku me fëmijë të tjerë në zonën e liqenit dhe është mbytur aksidentalisht. Në vendngjarje kanë shkuar shërbimet e policisë si dhe janë njoftuar Polumbarët e Reneas.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • [email protected]: 13/10/2018 17:47

    nk ka roje

    Përgjigju
  • anonim: 06/06/2018 09:59

    po polic nuk kishte aty??? nuk duhet lene te futen..keshtu mund te shmangen tragjedit Fatkeqesi per vogelushin humbi jeten pa u rritur

    Përgjigju
  • Loni: 05/06/2018 17:58

    Po kjo bashkia nuk ka len no njenpolic aty apo i ka cuarcte gjith te vjedhin neper tr publikoni komentet

    Përgjigju
    • cdxsa: 06/06/2018 10:00

      Jane te zene duke vendosur gjoba neper lagje, s'ka prioritet jeta ne kete vend or mik, ka leku.

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Keni ngrënë shumë për festa? Ja si të vendosni ekuilibrin

Keni ngrënë shumë për festa? Ja si të vendosni ekuilibrin

26 Dhjetor, 13:35