Trajneri i ri i Romës, Montella është i preferuari! Klauzola që e çliron nga Turqia

Roma në elitën e futbollit italian është në kërkim të një trajneri, kjo pas shkarkimit të Ivan Juric në fundjavë. Tre janë emrat që lakohen nga mediet në Itali, ndërsa në krye të garës duket Vincenzo Montella.

Ish-sulmuesi aktualisht është trajner i kombëtares së Turqisë dhe në 2011 ka qenë pjesë e Romës, po si trajner. Një përvojë që nuk shkoi mirë. Me kohën që ecën, te Roma duket se kanë nisur kontaktet me ish-sulmuesin e tyre dhe pritet që deri të mërkurë të ketë një përgjigje.

Situata - Montella te Turqia ka rezultate dhe marrëdhënie të shkëlqyera me drejtuesit, teksa merr një pagë prej 2.2 mln euro në sezon. "Gazzetta" bën me dije se klauzola e lirimit nga kontrata është 1 mln euro, një penalitet që Montella do ishte i gatshëm ta paguante për një rikthim në Serie A.

LEXO EDHE:
'Situatë e paimagjinueshme, Ramadani mund të largohet', gazetari italian analizon: Trajneri po e përjashton

Për momentin Montella është me kombëtaren e tij përpara ndeshjeve të Ligës së Kombeve kundër Uellsit dhe Malit të Zi. Ndeshja e parë luhet më 16 nëntor dhe zgjedhja e Friedkin (pronarët e Romës) për trajnerin e ri padyshim që do të jetë më parë. Ndërkohë skuadra do të rifillojë stërvitjet të enjten, ndoshta duke mësuar trajnerin e ri.

Me Montellan që ka epërsi në "garën" me De Rossin dhe Mancinin, tifozët duket se nuk do gjejnë qetësi këtë sezon, me ekipin që për momentin duket jashtë objektivave.

Cassano, Chivu dhe Montella

TAG:
• roma
• serie a
• vincenzo montella
• Daniele De Rossi
• Roberto Mancini

Sondazhi i ditës:

Çfarë prisni në vitin 2025?

• Punë

  10.9%

• Shëndet

  67.6%

• Mirëqënia

  21.6%

Vota total: 2330

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia