TIRANE- Ministria e Arsimit ka publikuar udhëzimet për transferimin e studimeve nga Universitetet që u mbyllën në ato publike. Duke filluar nga e hëna, më 22 shtator, studentët që nuk kanë mundur të tërheqin dosjet e tyrë nga universitetet private përkatëse, do t’i tërheqin ato pranë MAS nga ora 09:00-16:00. Ndërsa studentët e “Vitrina” për shkak të numrit të lartë të dosjeve të dorëzuara në Ministrinë e Arsimit, do të tërheqin dosjen e tyre në datat 23-29 mars, sipas një grafiku që MAS do të publikojë.
 
Për studentët që tashmë kanë tërhequr dosjet e tyre, por nuk kanë në të numrin e matrikulimit, mund të dorëzojnë kërkesën e tyre për t’u pajisur me në numër në adresën vkl@arsimi.gov.al. Udhëzimi i MAS për tërheqjen e dosjeve nga studentët
 
Ndërkaq, MAS udhëzon të gjitha institucionet publike të Arsimit të Lartë që brenda orës 12:00 të datës 29 shtator 2014 do të përpilojnë dhe shpallin listat e programeve të studimit të ekuivalentuara dhe i vendosin në vende të dukshme në mjediset e rektoratit dhe fakulteteve.
 
Studentët do të mund të aplikojnë në këto programe nga 29 Shtatori-3 Tetor deri në orën 12:00, ndërsa deri më 8 Tetor do bëhet vlerësimi i dosjeve të kandidatëve.
 
MAS propozon tarifat vjetore të studimit: për programet e studimit Bachelor 110. 000 Lekë (Përveç programeve Bachelor në: arte, sporte, mjekësi, arkitekturë-ndërtim, për të cilat do të propozohet tarifa 290.000 Lekë); dhe për programet e studimit Master 160.000 Lekë. Udhëzimi i MAS për regjistrimin në universitetet publike

Redaksia Online
(e.s/shqiptarja.com)