Transformator i ri në Kashar, OSHEE: Furnizon rreth 4000 biznese

OSHEE, në kuadër të punimeve për të përmirësuar cilësinë e furnizimit me energji elektrike, vendosi në Nënstacionin e Kasharit në periferi të Tiranës, një transformator të standardeve bashkëkohore, me kapacitet 110/20KV 40MVA. “Ky nënstacion furnizon rreth 4000 biznese, kryesisht të Autostradës Tiranë – (Vorë) Durrës, dhe janë pikërisht këto subjekte private që do të ndiejnë ndryshimin e furnizimit me energji të tensionit sipas standardit. Natyrisht që përfitues do të jenë edhe abonentët familjar”, deklaroi Adriatik Kupi, Drejtor i Tensionit të Lartë, pranë Operatorit të Shpërndarjes së Energjisë Elektrike.