Transformohuni këtë dimër, ja
baluket e duhura për çdo fytyrë

Cilat janë llojet më të përshtatshme të balukeve në varësi të formës së fytyrës?

Për të gjithë ju që ankoheni se gjatë stinës së dimrit ju thahet lëkura dhe doni të transformoni pamjen tuaj, baluket janë përgjigja e duhur. Ja si të zgjidhni baluken e duhur për formën e fytyrës tuaj, për të shmangur komente të tipit: “I kishe shumë mirë ashtu, pse nxorre baluke.”

Fytyrë e rrumbullakët: Shmangni baluket e drejta dhe të plota, pasi ju theksojnë rrumbullakësinë e fytyrës. Provoni baluket e shkallëzuara anash fytyrës.

Fytyrë e gjatë ose katrore: Baluke të plota, të gjata deri nën vetull, që duken po aq bukur te stiluara anash.

Fytyrë ovale: Fytyrat ovale si Jane Birkin pranojnë çdo formë balukeje, por duken më bukur me baluken e drejtë, të gjatë dhe të dendur.

Fytyrë në formë zemre: Qëllimi për personat me një formë fytyre të tillë është të balancojnë ballin e gjerë me mjekrën e hollë. Më shumë sesa për një baluke të plotë duhet të priren drejt balukeve të shkallëzuara anash që tërheqin vëmendjen drejt syve, buzëve dhe qendrës së fytyrës. Pika më e shkurtër e balukes duhet të jetë tek vetulla ndërsa më e gjata deri tek ‘maja’ e mollëzave.

Redaksia Online
(m.p/shqiptarja.com)