Policia e Tiranës ka arrestuar një person dhe ka nisur hetimet për 2 të tjerë, në kuadër të një hetimi kundër trafikimit të automjeteve dhe transportimit ilegal të emigrantëve.

Përmes një njoftimi, Policia bën të ditur se dy shtetasit e proceduar penalisht dyshohet se trafikuan në Shqipëri, automjete me vlerë rreth 90 mijë euro, të vjedhura në Zvicër dhe në Itali.

Po ashtu bëhet e ditur se personi i arrestuar, 36-vjeçari me banim në Krujë, u kap duke transportuar me automjet, 3 emigrantë që synonin të lëviznin në mënyrë të kundërligjshme, drejt shteteve të BE-së.

Në cilësinë e provës materiale janë sekuestruar 2 automjetet e trafikuara dhe automjeti me të cilin transportoheshin emigrantët.

Ndërkohë materialet procedurale iu referuan Prokurorisë së Tiranës, për veprime të mëtejshme.

Njoftimi i Policisë:

Tiranë-Seksioni për Hetimin e Trafiqeve finalizoi në 24 orë, faza të tjera të operacioneve “Stolen Line” dhe “Relay”, kundër trafikimit të automjeteve dhe transportimit ilegal të emigrantëve.

Procedohen penalisht 2 shtetas që dyshohet se trafikuan në Shqipëri, automjete me vlerë rreth 90 000 euro, të vjedhura në Zvicër dhe në Itali.

Arrestohet 1 shtetas që transportonte kundrejt pagesës, 3 emigrantë që synonin të kalonin ilegalisht, në shtetet e BE-së.

Sekuestrohen 2 automjetet e trafikuara dhe automjeti me të cilin transportoheshin emigrantët.

Si rezultat i punës operacionale dhe asaj operative, me fokus konstatimin dhe goditjen e rasteve të trafiqeve dhe kalimit të kundërligjshëm të kufijve, specialistët e Seksionit për Hetimin e Trafiqeve finalizuan 2 faza të tjera operacioneve:

-“Stolen Line”, në kuadër të të cilit nisi procedimi penal për shtetasit:

•M. S., 36 vjeç, pasi dyshohet se ka trafikuar në Shqipëri, 1 automjet tip “Benz”, me vlerë rreth 80 000 euro, i cili nga verifikimet rezultoi i vjedhur në Zvicër;

•E. M., 29 vjeç, i cili dyshohet se ka trafikuar në Shqipëri, 1 automjet tip “Opel”, me vlerë rreth 10 000 euro, i cili nga verifikimet rezultoi i vjedhur në Itali.

-“Relay”, në kuadër të të cilit u arrestua në flagrancë shtetasi O. T., 36 vjeç, banues në Krujë, pasi u kap duke transportuar me automjet, 3 emigrantë që synonin të lëviznin në mënyrë të kundërligjshme, drejt shteteve të BE-së.

Materialet procedurale iu referuan Prokurorisë së Tiranës, për veprime të mëtejshme.