POP 5

Lajmet më të lexuara të 5 minutave të fundit

Ekonomi

Transporti i udhëtarëve
çfarë do të ndryshojë

Qeveria ka prezantuar dje strategjinë për rregullimin e sektorit të transportit ndërqytetës të udhëtarëve. Ministri i Transportit dhe Infrastrukturës, Edmond Haxhinasto, prezantoi një plan të ri, duke theksuar se aktualisht shërbimi që ofrohet është shumë larg nga ajo cilësi që duhet të ofrohet.
TIRANE- Qeveria ka prezantuar dje strategjinë për rregullimin e sektorit të transportit ndërqytetës të udhëtarëve. Ministri i Transportit dhe Infrastrukturës, Edmond Haxhinasto, prezantoi një plan të ri, duke theksuar se aktualisht shërbimi që ofrohet është shumë larg nga ajo cilësi që duhet të ofrohet.

Sipas ministrit, janë mbi 467 linja që operojnë sot në Shqipëri. Ka një mbivendosje të jashtëzakonshme të tyre. Kjo sjell shpenzime të mëdha të panevojshme. “Synimi i kësaj reforme është t’u ofrojmë qytetarëve një cilësi më të madhe të transportit ndërqytetas”, tha ministri Haxhinasto. Kjo mbivendosje, sipas itj, sjell shpenzime të mëdha të panevojshme, përpjekje për të mbijetuar në treg, mosfunksionim normal në aspektin e biznesit, konkurencë të pandershme, që pasqyrohet me evazion e paaftësi të operatorëve për të rinovuar parkun e tyre.

Kjo nënvizoi ministri, reflektohet tek cilësia e dobët e shërbimit që ofrohet për qytetarin
Edhe në aspektin e sigurisë rrugore, tha Haxhinasto, ekzistenca e kaq shumë linjave, e këtij kaosi, ka impaktin e vet. Sipas tij, “mosha” e automjeteve në qarkullim është rreth 20 vjet, çka do të thotë se nuk përmbushin as nivelet e cilësisë së komfortit dhe as të mjedisit.

“Edhe në detyrimet ndaj shtetit kjo situatë ka bërë që të ketë një evazion shumë të madh. Shifrat e biletave të deklaruara nga operatorët në krahasim me të dhënat e gjetura nga studimi i ministrisë së Transporteve janë te pa përputhura që do të thotë që janë të pa sakta dhe se kemi një aktivitet që nuk zhvillohet në përputhje me transparencën ekonomike,” theksoi ai.
Plani për transportin parashikon, sipas Haxhinastos, rregullimin e tregut me disa faza. Në fazën e parë është pikërisht koncepti i ri, i cili synon që tërësinë e linjave pa kriter, që ka Shqipëria, të stabilizohet me linja kryesore, linja ushqyese dhe linja ekspres.


Shkrimi u botua në Shqiptarja.com (print) në 14 qershor 2014

Redaksia Online
(d.a/shqiptarja.com)   
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46