TIRANE- Paraditën e 28 dhjetorit 1953, 11 ditë pas arrestimit të tij në Tiranë, gjatë marrjes në pyetje në hetuesi, Kasem Trebeshina do të rrëfente para hetuesit të drejtorisë së sigurimit të Shtetit majorit Sotir Zavalani për mosmarrëveshjet që ai kishte me Dhimitër Shuteriqin, Llazar Siliqin e Shefqet Musarajn në Lidhjen e Shkrimtarëve.

Në procesverbalin e mbajtur këtë ditë gjenden të gjithë përgjigjet që ai ka dhënë para hetuesit lidhur me pakwnaqwsitw që ai kishte me shkrimtarët e lartpërmendur, të cilët i shihte si zaptues të terrenit të letërsisë, e ku nuk lejonin që të shfaqeshin emra të rinj përveç tyre.