30 tregtarë ambulantë kanë protestuar paraditen e sotme përpara bashkisë së qytetit të Vlorës.

Ata kanë deklaruar se janë në mëshirë të fatit dhe familjet e tyre janë pabukë ndaj kanë kërkuar një mundësi që të formalizohen sipas ligjit, si tregëtarë ambulantë.
 
Duke ngirtur zërin përpara bashkisë ata shprehen se varfëria dhe papunësia i detyron të dalin çdo ditë në rrugë e të shesin jo sipas ligjit.

Duke kërkuar ndërtimin e një tregu apo krijimin e mundësive për të shitur sipas ligjit ata njëkohësisht kërkojnë që të mos trajtohen si të ishin kriminelë duke u larguar nga trotuaret sit ë kishin kryer ndonjë vepër penale.

Pavaresisht këmbënugljes së tyre askush nga përfaqesuesit e bashkisë nuk i’u ka dhënë një përgjigje për zgjidhje definitive.


Redaksia Online
(F.T/shqiptarja.com)