Klevis Alla, 22-vjeçari nga Nish-Tulla e Durrësit, tashmë konsiderohet bashkëpunëtori i prokurorisë, pasi falë dëshmisë së tij policia dhe prokuroria, ka arritur të identifikojë personat që dyshohet të jenë organizatorët dhe qitësit, në 4 vrasje të kryera në Durrës, në datën 2 mars dhe 24 prill 2020. Alla është marrë në mbrojtje nga strukturat e Drejtorisë së Mbrojtjes së Dëshmitarëve, ku bashkë me të në mbrojtje mësohet të jetë vënë dhe familja e tij. Ai ka treguar me detaje të gjithë dinamikën e krimit, ndërsa ka rrëfyer dhe vendin se ku i kishin hedhur armët e përdorura në vrasje. Dëshmitari i prokurorisë, ka treguar se kishin njohje me dy vëllezërit Haxhia dhe Anxhelo Avdija e Dorjan Shkoza, por konfliktet e lindura për tregtinë e drogës, kishin sjellë që anëtarët e grupit të ndaheshin në dy fraksione, duke filluar eliminimin fizik të tyre.
Deri në këtë fazë të hetimit kjo çështje është duke u hetuar nga prokuroria e Durrësit, ndërsa nuk përjashtohet mundësia që në ditët në vijim dosja ti kalojë për hetime të mëtejshme, prokurorisë së posaçme SPAK, për shkak se personat kanë vepruar në format e grupit kriminal, me detyra dhe role të menduara mirë. Burimet nga policia thanë se janë dhe katër persona të tjerë që kërkohen për tu arrestuar, por deri në këtë fazë të hetimit nuk jepet asnjë e dhënë për këta persona. Altin Ndoci është një personazh jo i panjohur nga policia e Tiranës, pasi ai u ndalua në vitin 2015 për akuzën e vjedhjes, “Mbajtjes pa lejë të armëve” e “Trafikimit të mjeteve motorike”.
Në këtë operacion policia veç sendeve të paligjshme i sekuestroi Altin Ndocit dhe dy radio policie të cilat ishin të fiksuara në sinjalet e komunikimit të gjithë komisariateve të Tiranës. Ja çfarë thuhet në dosjen e dënimit të Altin Ndocit”…gjatë kontrollit të makinës, u gjendën tre pistoleta, e para model 54 me 4 krëhëra me fishekë, nje model “Franchi Llana” me 14 copë fishekë, një revolver me mulli me 5 fishekë. Po ashtu në automjet u gjetën një maskë ngjyrë të zezë,dy palë doreza, dy radio dhënëse- marrëse me sinjale të komisariateve të policisë Tiranë, një tabelë dore me mbishkriminin “Ministria e Financave”,një çantë sportive me tre flamuj të cilët përdoren nga arbitrat e futbollit etj…”.
Gjithashtu Altin Ndoci, rezulton të ketë lidhje shoqërore me Arben Muçon, pukjanin e arrestuar në 2018 në qytetin e Fierit, për tentativën e grabitjes me armë të familjes së Minella Muçit dhe tentativën e vrasjes së punonjësve të policisë në Fier. Tashmë Altin Ndoci po verifikohet nga policia për pozicionin e tij në këtë ngjarje, ku grabitja dështoi vetëm falë ndërhyrjes së shpejtë të policisë së Fierit. Gjatë shkëmbimit të zjarrit me armë, mbeti i vrarë Xhuljan Sollaku 20 vjeç ndërsa shoku i Altin Ndocit, Arben Muço, u plagos dhe u arrestua më pas nga policia. Personat e tjerë që ishin me ta atë natë Marsi 2018 u larguar me shpejtësi, duke mos u arrestuar sot e kësaj ditë nga policia.
Lajme të tjera
-
Masakra e Bradasheshit, cili gazetar kërkoi 120 mijë €? Porosia e bisedës në ‘Sky': Mos nxirr këto emra! Hetimi i SPAK: Ishte në kafe me ushtarin e Franc Çopjas
1 Shtator, 13:32 -
‘Plumbi i artë’/ Klevis Alla dënohet me 25 vite burg për vrasjen e vëllezërve Haxhia! 11 vite burg për Enver Divën e Besjan Xhixhën! Altin Ndoci i pafajshëm
2 Prill, 12:01
-
Nga vrasjet me paramendim tek vjedhjet me dhunë, ja 18 akuzat për të cilat do të gjykohet Nuredin Dumani dhe 19 të akuzuarit e tjerë
29 Janar, 16:54 -
Vrasjet e bujshme në Durrës, Henrik Hoxhaj konfirmon dëshmitë në GJKKO: Për Dorian Shkozën, Dumani më premtoi 60 mijë €! Për vëllezërit Haxhia 30 mijë €
30 Maj 2023, 10:58
-
I penduari Klevis Alla dëshmon për vrasjen e vëllezërve Haxhia: I vrau Nuredin Dumani! Ishte i maskuar, uli xhamin e makinës dhe i qëlloi
9 Maj 2023, 13:08 -
'Luftë' me armë mes të 'fortëve' në Elbasan! Nuredin Dumani shkoi t'i bënte atentat Talo Çelës, 'ushtarët' e tij e plagosin, e qëllojnë mbi 20 herë brenda BMW-së (VIDEO)
29 Mars 2022, 18:04 -
2 vrasjet e bujshme me 4 viktima në Durrës, pezullohen hetimet për 1 vit për Talo Çelën e Nuredin Dumanin! SPAK: Gjejini ku fshihen! Në gjykim 4 anëtarët e tjerë të grupit
21 Tetor 2021, 11:46 -
2 vrasjet e bujshme me 4 viktima në Durrës, SPAK përfundon hetimet për grupin e Talo Çelës, dërgon çështjen për gjykim
7 Korrik 2021, 08:37 -
672 telefonata për ekzekutimin e vëllezërve Haxhia në Durrës, Report Tv zbardh dosjen e plotë! Vrasësi me pagesë: Krimi bëhet, vendi ishte i mirë! GJKKO i lë në burg
19 Qershor 2021, 11:11 -
Ekzekutimi i vëllezërve Haxhia në Durrës, në pranga dy vrasësit me pagesë! Ranë dakord të kryenin atentatin, por njëri prej tyre u tërhoq pasi u infektua me COVID
17 Qershor 2021, 08:25 -
Detaje të reja nga vrasja në Rrogozhinë/ Klevis Kapllani shok i ngushtë i Nuredin Dumanit, që kërkohet për dy vrasje
17 Shtator 2020, 15:03
-
Gjykata e Posaçme e Apelit lë në burg Altin Ndocin, akuzohet për vrasjen e 4 personave në Durrës
19 Gusht 2020, 14:19
