Shitjet e mineraleve, lëndëve djegëse dhe energjisë i janë rikthyer tendencës pozitive, pas dy vitesh performance të dobët, duke ndikuar direkt në rritjen e gjithë eksporteve gjatë gjashtë muajve të parë të vitit. Sipas INSTAT-it, eksportet e këtij grupi u rritën me 34% me bazë vjetore për 6-mujorin, duke arritur në 30.7 miliardë lekë dhe duke kaluar sërish në grupmallin e dytë më të eksportuar në vend. Bankers Petroleum, eksportuesi më i madh në vend, që shfrytëzon me koncesion fushën naftëmbajtëse më të madhe mbi tokë, atë të Patos Marinzës, ka rritur ndjeshëm eksportet si rrjedhojë e konjukturës më të favorshme ndërkombëtare dhe mbylljes së rafinerisë ARMO, të cilës i shiste gjysmën e prodhimit gjatë vitit të kaluar. Një tjetër faktor që ka ndikuar në këtë grup është edhe ringjallja e industrisë minerare, e cila është para një hovi të ri prej investimeve të reja, me rreth 25 milionë euro në sektorin e përpunimit, me dy linja të reja nga AlbChrome në Bulqizë dhe Tete Albania në Spaç, që pritet të rrisin dukshëm vlerën e eksporteve në fund të këtij viti dhe gjatë 2019.
Pozitivisht në muajt e parë të vitit ka ndikuar dhe eksporti i energjisë si rrjedhojë e situatës së favorshme me reshje, që i mundësoi KESH të shtonte të ardhurat, por dhe ishte një nga faktorët kryesorë që ndikoi në rritjen ekonomike në tre muajt e parë të këtij viti.
Eksporti
Në 6 muajt e parë të këtij viti, kompanitë shqiptarë shitën jashtë vendit 158 miliardë lekë mallra, me një rritje prej 18.3% me bazë vjetore. Vetëm në qershor, zgjerimi i eksporteve ishte 17.8%.
Shitjet jashtë vendit të “tekstileve dhe këpucëve”, grupi më i madh i eksportuar në vend, arritën në 63.3 miliardë lekë, me një zgjerim vjetor prej 9.3% për 6 mujorin e parë të vitit. Por, sektori ka ndalur rritjen, teksa në qershor eksportet e këtij grupi u zgjeruan me më pak se 4%, ritmi më i ulët që prej shumë muajsh, teksa deri pak kohë më parë ritmet e rritjes ishin dyshifrore. Eksportuesit e tekstileve e këpucëve janë ankuar vazhdimisht për efektin negativ që po vjen nga zhvlerësimi i euros, që aktualisht është stabilizuar në 126 lekë, nga 134 lekë që ishte mesatarja e vitit të kaluar dhe rreth 139-140 lekë që këmbehej mesatarisht në periudhën 2010 - gjysma e parë 2016. Megjithatë, ky sektor vijon t’i gëzohet një kërkese të lartë nga partnerët e huaj.
Grupi i tretë më i madh i eksporteve “materiale ndërtimi dhe metale” ka vijuar me tendencën pozitive, i ndikuar nga riaktivizimi i kompanisë së prodhimit të çelikut, Kurum, tek e cila ka funksionuar procesi i falimentit për efekt ristrukturimi, i nisur në mars 2016. Tashmë kompania, sipas burimeve të saj po shlyen normalisht kreditë dhe u është rikthyer tregjeve të huaja, teksa më shumë se gjysma e prodhimit po eksportohet, ku vendin kryesor e zë Kosova, ndjekur nga Mali i Zi, Maqedonia e më pak në Serbi. Eksportet e këtij grupi arritën në 27 miliardë lekë, me një rritje prej 28.6%.
Kurse eksportet e grupit “ushqime, pije e duhan” u rritën me 14.9% duke arritur në 15.6 miliardë lekë.
Pozitive ka qenë dhe ecuria e grupit “makineri, pajisje e pjesë këmbimi”, që u rrit me 20.7%, për të arritur në 8.4 miliardë lekë për 6-mujorin.
Tregtia
Shkëmbimet tregtare me vendet e BE zënë 68%, të gjithë tregtisë. Në Qershor 2018, eksprtet drejt vendeve të BE-së zënë 76.3% të eksporteve gjithsej dhe importet nga vendet e BE-së zënë 63.9% të importeve gjithsej. Partnerët kryesorë tregtarë janë: Italia (35.6%), Greqia (8.3%), Gjermania (6.2%) dhe Turqia (6.1%).
Në gjashtëmujorin e parë të vitit 2018 importet e mallrave arritën vlerën 309 mld lekë, duke u rritur me 4.7%, krahasuar me një vit më parë. Deficiti tregtar arriti vlerën 151 mld lekë, duke u ulur me 6.6%, krahasuar me 2017-ën.
Lajme të tjera
-
Po pret në radë, Shqiptarja.com sjell pamjet nga afër të kontejnerëve me mbetje të dyshuara të rrezikshme në anijen 'Moliva'
2 Nëntor, 13:55 -
Anija me 2100 tonë mbetje të dyshuara të rrezikshme në Durrës, pret në radën e jashtme! Prokuroria sekuestrohen 102 kontejnerët: Monitorim 24 orë! Rrjeti i Bazelit: Zbuloni origjinën (VIDEO)
28 Tetor, 07:38 -
Anijet me mbetje ankorohen nesër, PD protestë pranë portit të Durrësit
27 Tetor, 12:21 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
Anijet me mbetje të dyshuara të rrezikshme mbërrijnë në Portin e Durrësit me 27 tetor! BAN thirrje qeverisë shqiptare: Beni analizat dhe transparencë
21 Tetor, 13:31 -
Moody’s rishikon në rritje ekonominë shqiptare, nga 'pozitive' në të 'qëndrueshme'! Malaj: Ndikim ulja e borxhit, rritja e investimeve
19 Tetor, 14:09 -
Ekonomia këtë vit rritet me 3.3%, por sfidë serioze emigrimi! Banka Botërore: Kapitali njerëzor bërthama e zhvillimit të Shqipërisë në të ardhmen
17 Tetor, 18:59
-
Maqedoni e Veriut/ Guvernatori Gent Sejko paralajmëron: Ndryshime klimatike sfidë serioze për bankat dhe ekonominë
1 Tetor, 20:35
-
Rritet 0.6% besimi në ekonomi, euro e dobët godet tregëtinë! Industria e shërbimeve, më shumë optimistë për të ardhmen
1 Tetor, 18:50
-
Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme
1 Tetor, 13:00
-
Ekonomia në ditë të mira! Të ardhurat e mbledhura në 8-muaj u rritën me 38.2 miliardë lekë krahasuar me vjet
18 Shtator, 17:09 -
'Mbetjet e rrezikshme të Kurum' në Kuvend! Rama në interpelancë: Aludim psikopatologjik i artikuluar nga goja 7 penxherëshe! Bardhi: Kush i lejoi?
12 Shtator, 07:09
