POP 5

Lajmet më të lexuara të 5 minutave të fundit

Ekonomi

Tregtia përmirësohet lehtë, fasoneria nuk po 'ngre kokë'! Vendi eksportoi 203.8 mln € mallra në muajin shkurt

Tregtia e mallrave vijon të jetë nën ndikimin pandemisë COVID-19, edhe pse në dy muajit e parë të vitit shkëmbimet tregtare janë rritur krahasuar me vitin e kaluar. Sipas të dhënave të INSTAT vijon të pësojë rënie të fortë sektori i fasonerisë.Referuar INSTAT, si dymujor janar-shkurt vendi ju ka shitur shteteve të huaja produkte me vlerë 399,4 milionë euro, me një rritje prej 1% në raport me këto dy muaj të vitit 2020, kohë kur nuk kishte nisur pandemia COVID-19, në vendin tonë.\

Në shkurt vendi ka eksportuar mallra me vlerë 203.8 milionë euro, duke pësuar një rënie të lehtë prej 0.9% me shkurtin e vitit të kaluar, por ka pësuar rritje krahasuar me muajin janar të këtij viti.

Ndikimin më të madh negativ në vlerën e eksporteve e ka dhënë grupi i tekstileve dhe këpucëve me një rënie prej 7.6%, në raport me shkurtin e vitit 2020. Konkretisht  në dy muajit e parë të këtij viti vendi ka eksportuar 144 milionë euro nga 163.2 milionë euro që eksportoi në vitin e kaluar.

Ndërsa ka importuar 97.4 milionë euro nga 103.2 milionë euro në dy muajit e 2020. Rënia më e madhe e shkëmbimeve tregtare në sektorin e fasonerisë është regjistruar Spanjën dhe Italinë, duke treguar se gjendja e këtij sektori vijon të jetë delikate për shkak të goditjes që po merr nga pandemia.Kurse pozitivisht në rritjen e eksporteve ka ndikuar grupi i materialeve të ndërtimit dhe i ushqimeve e pijeve joalkoolike.

Nga ana tjetër importet duket se po e mposhtin pandeminë, pasi janë rritur me 0.9% krahasuar me një vit më parë kur nuk kishte nisur pandemia, dhe janë rritur me 15% krahasuar me janarin këtij viti. Në total vendi ka blerë nga jashtë mallra me vlerë 423,9 milionë euro. Deficiti tregtar i këtij muaji ishte 220,1 milionë euro duke u rritur me 2,7 %, krahasuar me Shkurt 2020 dhe me 26,7 %, në krahasim me Janar 2021.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mos ngurroni të bëni hapin e parë... Çfarë parashikojnë yjet për ju sot

Mos ngurroni të bëni hapin e parë... Çfarë parashikojnë yjet për ju sot

26 Dhjetor, 07:50