POP 5

Lajmet më të lexuara të 5 minutave të fundit

Ekonomi

Tregu, Autoriteti i Konkurrencës:
Shkelje në sigurimet e makinave

 Sërish problem për tregun e sigurimeve. Autoriteti i Konkurrencës ka hapur për herë të dytë një hetim të thelluar për tregun e sigurimit të detyrueshëm motorrik lidhur me përgjegjësitë ndaj palëve të treta.
TIRANE- Sërish problem për tregun e sigurimeve. Autoriteti i Konkurrencës ka hapur për herë të dytë një hetim të thelluar për tregun e sigurimit të detyrueshëm motorrik lidhur me përgjegjësitë ndaj palëve të treta. Që nga shkurti i këtij viti, shoqëritë e sigurimit të jo-jetës rezulton të kenë themeluar një shoqëri të veçantë, të quajtur “Star Broker”, përmes të cilës, me marrëveshje, po kryhen të gjitha shitjet e sigurimeve të detyrueshme vjetore të automjeteve (TPL). Të gjitha të ardhurat nga shitjet e këtyre produkteve po arkëtohen në një llogari bankare në emër të “Star Broker”.

Bazuar në gjetjet e hetimit paraprak dhe analizën e bërë nga Autoriteti i Konkurrencës, rezulton se sistemi i administruar nga “Star Broker” krijon mundësi për ndarje të tregut dhe caktim në mënyrë të drejtpërdrejtë ose të tërthortë të çmimeve të shitjes së produktit të policës së sigurimit për mjetet motorrike për përgjegjësitë ndaj palëve të treta, pasi efekti i çdo veprimi në ketë treg me anë të këtij sistemi është i menjëhershëm dhe ka shtrirje në të gjithë tregun. Pavarësisht nga momenti i kërkesave për ndryshimin e tarifave, ato janë ndryshuar në të njejtën dite për të gjitha shoqëritë, me përjashtim të shoqërisë shtetërore INSIG.

Nga inspektimet ka rezultuar se të gjitha kompanitë kanë aplikuar çmime të njëjta, në mënyrë të menjëhershme, çka, sipas Autoritetit, mund të ketë ardhur si pasojë e një marrëveshjeje të ndaluar, në shkelje të ligjit “Për mbrojtjen e konkurrencës”. Sistemi i administruar nga Star Broker krijon mundësi për ndarje të tregut dhe caktim në mënyrë të drejtpërdrejtë ose të tërthortë të çmimeve (primeve) të shitjes së produktit të policës së sigurimit për mjetet motorrike për përgjegjësitë ndaj palëve të treta, pasi efekti i çdo veprimi në ketë treg me anë të këtij sistemi është i menjëhershëm dhe ka shtrirje në të gjithë tregun.

Kjo është hera e dytë brenda dy viteve që i njëjti treg hetohet nga Autoriteti i Konkurrencës, me të njëjtin objekt hetimi. Në tetor të vitit 2012, Autoriteti i Konkurrencës i shpalli të gjitha kompanitë e sigurimit të jo-jetës fajtore për marrëveshje të ndaluar dhe i gjobiti për një shumë totale prej 89 milionë lekësh, ekuivalenti i më shumë se 630 mijë eurove.

Shkrimi u botua në Shqiptarja.com (print) në 5 qershor 2014

Redaksia Online
(d.a/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31