Shqiptarët po kërkojnë më pak kredi nga bankat për të blerë shtëpi dhe për qëllime konsumi, ndaj këto të fundit kanë liruar disi kërkesat ndaj klientëve. Kushtet e kredisë për individë për të blerë shtëpi rezulton të jenë lehtësuar disi gjatë tremujorit të parë të vitit 2013, pasi kishin mbetur të pandryshuara për një periudhë prej tre tremujorësh, bëhet e ditur në raportin e fundit të Bankës së Shqipërisë për vrojtimin e standardeve të kredisë bankare për bizneset dhe konsumatorët.
Faktorët që kanë dhënë kontribut në kahun lehtësues të standardeve të kredisë dhënë individëve janë: niveli aktual ose i pritshëm i likuiditetit të bankës, konkurrenca në sistemin bankar dhe vendimet e Bankës së Shqipërisë. Në të njëjtën kah ka ndikuar edhe mjaftueshmëria e kapitalit të bankës.
Prej rreth dy vitesh, ky faktor vlerësohet të mos ketë dhënë kontribut në ndryshimin e standardeve të kreditimit të individëve. Huatë me probleme, zhvillimet në tregun e pasurive të paluajtshme dhe gjendja financiare e individëve kanë vijuar të kontribuojnë në kahun shtrëngues të standardeve të kredidhënies.
KONSUMI
Por, nga ana tjetër, bankat kanë shtrënguar standardet për kredinë konsumatore në tremujorin e parë të vitit 2013, pasi mbetën të pandryshuara për tre tremujorë radhazi. Balanca përkatëse shënoi vlerën ‐4.7%. Për tremujorin e dytë të vitit 2013, standardet e kredisë për individët pritet të jenë në kahun lehtësues, si për kredinë për blerje banese, ashtu dhe për atë me qëllim financimin e konsumit.
TARIFAT
Bankat rezulton se zbatuan një politikë lehtësuese të standardeve të kredidhënies për individë, nëpërmjet uljes së komisioneve të pagesave për kredinë e marrë, si dhe uljes së marzhit mesatar për kreditë. Gjithashtu, në tremujorin e parë të vitit 2013, si instrument për lehtësimin e standardeve u përdor dhe rritja e raportit këst ndaj të ardhurave.
Madhësia e kredisë dhe kërkesa për kolateral vijuan të ndikojnë në kahun shtrëngues të standardeve edhe pse në një masë relativisht më të ulët, krahasuar me tremujorin e mëparshëm.
KËRKESA
Megjithatë, kërkesa e individëve për kredi ka vijuar të vlerësohet në rënie edhe në tremujorin e parë të vitit 2013. Përqindja neto e bankave që kanë vlerësuar negativisht kërkesën e individëve për kredi rezultoi 13.4%. Kërkesa ka vijuar të jetë në rënie, si për kreditë me qëllim blerje banese, ashtu dhe për kredinë me qëllim financimin e konsumit.
Balancat përkatëse kanë shënuar vlera negative në tremujorin e konsideruar. Nga ana tjetër, ekspertët e kredisë presin rritje të kërkesës për kredi të individëve në tremujorin e dytë të vitit 2013.
Ka ndikuar negativisht në nivelin e kërkesës për kredi të individëve edhe nevoja për financimin e konsumit. Nevoja e financimit të blerjes së banesës dhe vendimet e Bankës së Shqipërisë kanë ndikuar në kahun rritës në kërkesën për kredi të individëve.
Shkrimi u botua sot në gazetën Shqiptarja.com (print) 16.04.2013
Redaksia Online
(b.m/shqiptarja.com)
Lajme të tjera
-
Dosja/ Zbardhen planet në Sky Ecc të Suel Çelës për të ekzekutuar me snajper Ardian Çapjan: Atë e kishte karamele, qëllon deri në 1 mijë metër! Pse dështoi atentati
26 Nëntor, 22:51 -
DOSJA/ 'Do e marrim si kec në tavë, mos t’i gjendet as nam e as nishan', ja si banda e Suel Çelës planifikoi vrasjen e 'Vis Korçarit'
26 Nëntor, 22:45 -
Kaq afër zgjedhjeve a ia vlen të harxhosh energji me protesta politike?
26 Nëntor, 22:44
-
SPAK e akuzon Artan Hoxhën për lidhje Suel Çelës, Muça në ‘Repolitix’: Axhendë në shërbim të klanit! Çaça: Kur bëhesh kundër një grupi tjetër, je pjesë e organizatës
26 Nëntor, 22:38 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Goditja e grupit të Suel Çelës, avokati në ‘Repolitix’: SkyEcc ka hapur një ‘kuti’ që s’e dimë kur do mbarojë
26 Nëntor, 22:15 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
Biden: Po pranimit nga ana e Izraelit të marrëveshjes për një armëpushim në Liban
26 Nëntor, 22:02 -
Protesta e PD, rritet numri, 44 protestues të shoqëruar në polici
26 Nëntor, 21:46 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Pak orë pasi Netanyahu pranoi armëpushimin, Izraeli sulmohet me 3 raketa të lëshuara nga Libani
26 Nëntor, 21:37 -
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
