Rënia është 18% kundrejt janar-qershorit të 2012-s. Një vit më parë, eksportet e këtij grupmalli shënuan nivelin më të lartë të 5 viteve të fundit, duke arritur në afro 3.5 miliardë lekë. Kjo ka ardhur si pasojë e rënies së tyre në tregun kosovar.
Rënia e tregut në Kosovë është pasojë edhe e shtimit të burokracive nga dogana e këtij shteti. Problemi, i cili arriti kulmin vetëm dy javë më parë me protestën e mauneve në pikën kufitare në Shqipëri, duket se ka nisur që në fillim të vitit dhe ka çuar në uljen graduale të shitjeve të tullave në Kosovë.
Rënia e tregut të Kosovës po dëmton kompanitë e tullave, të cilat përllogarisin se rreth 50% e aktivitetit të tyre fokusohet pikërisht në këtë treg. Vetëm pak muaj më parë, fabrika më e madhe e prodhimit të tullave në vend, “Volalba” e Lushnjes, shpalli falimentin në kushtet e rënies drastike të shitjeve.
Shkrimi u publikua sot (17.09.2013) në gazetën Shqiptarja.com (print)
Redaksia Online
(a.ç/shqiptarja.com)
![](https://www.shqiptarja.com/template/img/sh_logo1.png)