POP 5

Lajmet më të lexuara të 5 minutave të fundit

Sport

'Triller' në Shkodër, por Vllaznia mposht turqit dhe kualifikohet në turin e dytë të Champions League (VIDEO)

Pas gjashtë golave në 120 minuta dhe penalltive më pas, Vllaznia për femra ia ka dalë me sukses në turin e parë të Champions League duke eliminuar kampionet e Turqisë.

Skuadra e Vllaznisë për femra ia ka dalë me shumë peripeci të kualifikohet në turin e dytë të Champions League, pasi sot në Shkodër ka mposhtur me penallti kampionët e Turqisë, ALG Sport.

90 minutat në Loro Boriçi u mbyllën me rezultatin e barabartë 2-2 pavarësisht se skuadra shqiptare kaloi dy herë në avantazh. Në shtesë vajzat kuqeblu, që këtë sezon kanë pritshmëri të larta, u shtangën kur në minutën e 118, pasi patën mbetur me një lojtare më pak kaluan edhe në disavantazh. Por atëhere kur të gjithë prisnin dorëzimin Vllaznia u ringjall në limite, me një gol të Bajraktarit në minutën e 122, duke e dërguar ndeshjen me penallti.

Nga ‘ruleta ruse’ më të sakta u treguan vajzat shkodrane, të cilat fituan 4-2 pavarësisht se gabuan të parat. 

Në shortin që do të hidhet me 6 nëntor në Nyon, Vllaznia do të njohë kundërshtarin e turit të dytë. Këto raunde luhet me tek ndeshje për shkak të situatës së krijuar me pandeminë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Operacioni i SPAK me 19 urdhër arreste, masë sigurie për Suel Çelën

Operacioni i SPAK me 19 urdhër arreste, masë sigurie për Suel Çelën

25 Nëntor, 21:22