Triumfoi në finale, Sara Hoxha merr votat e publikut, 'thyen' kupën e Dancing with the Stars

Sara Hoxha ngriti kupën e spektaklit ”Dancing with the Stars” dhe fitoi 50 mijë euro. Ajo ka ndarë disa foto në rrjetet e saj sociale të shkëputura nga momenti i fitores, ku shfaqet ajo dhe partneri i saj i kërcimit, Luxhino të lumtur që triumfuan edhe pas debateve me jurinë. Sara dhe Luxhino u vlerësuar me pikë të barabarta nga juria njësoj si çifti tjetër Elhaida-Ledian, por Sara e fitoi konkursin nëpërmjet votave të publikut. Madje ajo thotë se e theu kupën nëpërmjet një postimi në instagram dhe fton ndjekësit ta shohin veprimin.

“Swipe për të parë si e theva kupën…”- shkruan ajo teksa publikon dhe një video.

Ardit Çuni, një nga pretendetët kryesorë për të fituar “Dancing With the Stars”, ka reaguar pas  finales së spektaklit, ku triumfoi blogerja Sara Hoxha.

Në një shkrim të gjatë në Instastory Arditi fillimisht ka falenderuar fansat dhe publikun që  e ka mbështetur. Gjithashtu ai ka falenderuar publikisht dy anëtarët e jurisë, Dalina Buzi dhe Armand Peza. Ndërkohë që për dy anëtarët e tjerë, Kledi Kadiu dhe Valbona Selimllari, nuk ka bërë komente konkret.                                                                                                                                    

REAGIMI I ARDIT ÇUNIT:

“Jam i lumtur dhe krenar sepse punova fort, sepse derdha djersë për 4 muaj për të dhënë shpirtin dhe për të treguar që puna mbizotëron mbi gjithçka. Faleminderit nga zemra publikut që çdo javë me komente, me mesazhe ka treguar që më do dhe më mbështet dhe që sinqeriteti në ekran duhet dhe vlerësohet akoma. Dalina faleminderit që me komentet e tua shpeshherë më bëje me krahe e shpeshherë më jepje motivim për të qenë më i mirë! Mandi gjithmonë suportues dhe që në javën e parë pe tek unë personin qw mund tw fitonte çmimin e madh. Për pjesën tjetër zgjedh të hesht… është me mirë kështu! Mendoj që në këtë botë kaq të egër, secili e mban vetë përgjegjësinë e veprimeve, por ka dhe nga ato raste që siç thotë populli që “turpin e hanë me bukë”, ka shkruai ai në instagram.

F.D/Shqiptarja.com

TAG:
• Sara Hoxha
• dancing with the stars