POP 5

Lajmet më të lexuara të 5 minutave të fundit

Ekonomi

Trojet turistike do të jepen me qira
50 vjet, shtetido të  mbetet prona

"Fshatrat turistikë" ishin dhënë më parë me privatizim. Amendohet ligji, shteti do të mbetet pronar. Operatorët që duan të investojnë në sektorin e turizmit nuk do të mund të blejnë apo privatizojnë më truallin, siç bënin deri tani. 
TIRANE- Operatorët që duan të investojnë në sektorin e turizmit nuk do të mund të blejnë apo privatizojnë më truallin, siç bënin deri tani. Pas zgjidhjes së problematikës së pronësisë me të ashtuquajturit “fshatra turistikë” përmes privatizimit të truallit ku janë bërë ndërtime, qeveria ka ndërmarrë një iniciativë të re, me qëllim zhvillimin e turizmit në vend. Por ndryshe nga nisma e pasviteve ‘90 ku trualli jepej falas me qëllim që të bëhen investime në zona turistike, ligji i ri parashikon dhënien e truallit në përdorim për një periudhë gati 50-vjeçare.

Sipas projektligjit të ri për turizmin që ndodhet në Kuvend, pasuritë e paluajtshme që vihen në dispozicion të projektit të zhvillimit të një sipërmarrjeje turistike, si hotel apo kompleks turistik jepen me qira për një periudhë kohore jo më të gjatë se 49 vjet dhe në përfundim të kontratës, ndërtimet, veprimtaritë dhe ndërtesat ndihmëse, të ngritura mbi pasuritë e paluajtshme të vëna në dispozicion, kalojnë sërish në pronësi të shtetit.

Investuesi në këtë rast nuk mund të pretendojë asnjë të drejtë apo pagesë për to. Por projektligji parashikon që për investimet me vlerë nga 50-100 milionë euro, trualli mund të ofrohet kundrejt qirasë simbolike 1 euro, duke e trajtuar shumën e investimit si një plus, ashtu sikurse është bërë tashmë edhe për industrinë fason apo për ndërmarrjet që punësojnë shumë shqiptarë. Për investimet në fushën e sipërmarrjeve turistike, me vlerë mbi 100 milionë euro, përveç mundësisë së aplikimit të tarifës simbolike 1 euro, aplikohet dhe zgjatja e periudhës kohore të qirasë së tokës deri në 99 vjet.

Qeveria duket se e ka futur turizmin në fushat e veta prioritare, si dhe bujqësinë dhe industrinë fason. Akti pritet të ngjallë diskutime nga grupet e interest. Por të gjithë e pranojnë që politikat e ndjekura deri tani për zhvillimin e turizmit kanë dështuar dukshëm. Shembulli më i qartë është ai i subjekteve të stimuluar nga shteti, të cilët nuk ndërtuan fshatra turistikë, po godina që i shitën tek privatët si banesa të zakonshme. Aktualisht këto të fundit janë në proces përfundimtar legalizimi, por ato nuk sollën zhvillim të turizmit.  

Shkrimi u botua në Shqiptarja.com (print) në 7 qershor 2014

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

15 Janar, 20:57