Që pas largimit të Neymar nga Barcelona, zëra të shumtë për transferimin edhe të lojtarëve të tjerë të kësaj skuadre kanë filluar të qarkullojnë në mediat spanjolle.

Këtë herë bëhet fjalë për yllin e skuadrës katalanase, Lionel Messi, i cili tashmë duket se është kthyer në një objektiv për Manchester City.

Sipas “Daily Record”, dëshira e Pep Guardiolës për t’u ribashkuar me argjentinasin duket se është shumë më afër realizimit të saj. Javën e kaluar është zhvilluar një takim me përfaqësuesve të City dhe menaxherit të “Pleshtit”.

Si skuadra angleze edhe Barcelona e kanë mohuar një transferim të mundshëm të Messit, por transferimi i Neymar duket sikur ka nisur një “luftë” mes sheikëve në botën e futbollit.

Redaksia Online
D.T/Shqiptarja.com